अहमदाबादमधील जगातील सर्वात मोठ्या स्टेडियमचं उद्घाटन राष्ट्रपती रामनाथ कोविंद यांनी केलं. या नव्या स्टेडियमला नरेंद्र मोदी स्टेडियम असं नाव देण्यात आलं आहे. नरेंद्र मोदी स्टेडियमला दोन बॉलिंग एन्ड आहेत. एक अदानी एन्ड आणि दुसरं रिलायन्स एन्ड. यावरुन आता सोशल मीडियावर जोरदार चर्चा सुरु आहे. तथापि, काँग्रेसचे माजी अध्यक्ष आणि खासदार राहुल गांधी यांनी देखील मोदींना टोला लगावला आहे.
पंतप्रधान नरेंद्र मोदी हे उद्योगपतींसाठी काम करत असल्याचा आरोप सातत्याने केला जात आहे. मोदी सरकार हे हम दो हमारे दो यांचं सरकार असल्याचा आरोप काँग्रेस करत आहे. दरम्यान, पुन्हा एकदा राहुल गांधींनी मोदींना टोला लगावला आहे. कारण अहमदाबादमधील ज्या मोटेरा स्टेडियमला नरेंद्र मोदी स्टेडियम नाव देण्यात आलं आहे, त्या स्टेडियमला दोन एन्ड आहेत. एक अदानी एन्ड आहे तर दुसरा रिलायन्स एन्ड आहे. हाच धागा पकडत राहुल गांधींनी मोदींवर निशाणा साधला आहे. “सत्य बाहेर आलं आहे. नरेंद्र मोदी स्टेडियमला दोन एन्ड आहेत, एक अदानी एन्ड तर दुसरं रिलायन्स एन्ड. आणि त्याचे अध्यक्ष जय शाह आहेत,” असं ट्विट राहुल गांधई यांनी केलं आहे.
Beautiful how the truth reveals itself.
Narendra Modi stadium
– Adani end
– Reliance endWith Jay Shah presiding.#HumDoHumareDo
— Rahul Gandhi (@RahulGandhi) February 24, 2021
The Narendra Modi Stadium, inaugurated by Amit Shah, has an ‘Adani End’ and a ‘Reliance End’.
मित्रों……, यह स्टेडीयम ‘हम दो, हमारे दो’ को समर्पित किया जाता है pic.twitter.com/k3CT3yqsNr— Pawan Khera (@Pawankhera) February 24, 2021