भारताची स्टार बॅडमिंटनपट्टू पी.व्ही. ,सिंधूची फ्रेंच खुल्या बॅडमिंटन स्पर्धेत ( सुपर ७५० दर्जा ) विजयाने सुरूवात झाली आहे. मात्र सायना नेहवालला दुखापतीमुळे तिच्या पहिल्या फेरीच्या लढतीच्या अर्ध्यातूनच माघार घ्यावी लागली आहे.
ऑलिम्पिक मध्ये २ वेळा पदक मिळवलेल्या पी.व्ही सिंधूने महिला एकेरी डेन्मार्कच्या जुली दवालचा याकोबसनला २१-१५, २१-१८ अशा फरकाने पराभव केला. तिसऱ्या मानांकित सिंधूचा दुसऱ्या फेरीत लिन ख्रिस्तोफरसनशी सामना होणार आहे. सायनाने दुखापतीमुळे जपानच्या सायाका ताकाशाही विरूध्दच्या सामन्यातून अर्ध्यातूनच माघार घेतली. त्या सामन्यात सायना ११-२१, २-९ अशा अंतराने पिछाडीवर असल्याची पहायला मिळाली. तर मिश्र दुहेरीत सात्विकसाईराज रंकीरेड्डी आणि अश्विनी पोनप्पा या जोडीने मॅथियस थ्यरी आणि माई सुरोलाचा २१-१९, २१-१५ अशा फरकाने पराभव केला.
तर पुरूष एकेरीच्या लक्ष्य सेनेने आर्यलंडच्या एनहात एनग्वेनवर २१-१०, २१-१६ असा विजय मिळवला. किदम्बी श्रीकांतला अग्रमानांकित केंटो विरूध्द २१-१८, २०-२२, १९-२१ अशा मोठ्या फरकाने पराभव स्विकारावा लागला. त्यासोबतच पारूपल्ली कश्यप आणि एच.एस. प्रणॉयचे स्पर्धेतील आव्हानही संपुष्टात आले आहे.