भारताची बॅडमिंटनपटू पी.व्ही.सिंधूला डेन्मार्क ओपन स्पर्धेच्या पहिल्याच फेरीत पराभवाचा धक्का बसला आहे. पहिल्या फेरीत तिचा अमेरिकेच्या बीवेन झॅन्ग हिने १७-२१, २१-१६, १८-२१ असा पराभव केला. सिंधूने झॅन्गच्या विरोधात सलग तिसरा सामना गमावला आहे. त्यामुळे तिच्यावर स्पर्धेबाहेर पडण्याची नामुष्की ओढवली आहे.
असा झाला सामना
या सामन्यात पहिला सेट सिंधूने १७-२१ असा गमावला. पण दुसऱ्या सेटमध्ये तिने चांगले पुनरागमन केले. त्यामुळे तिने हा सेट २१-१६ असा जिंकला. तिसऱ्या सेटमध्ये झॅन्गने योग्यवेळी आपला खेळ उंचावत हा सेट २१-१८ जिंकत सामनाही जिंकला. त्यामुळे तिने सिंधूला स्पर्धेबाहेरचा रस्ता दाखवला.
