भारताची आघाडीची बॅडमिंटनपटू सायना नेहवालला कोरिया ओपन स्पर्धेच्या उपांत्यपूर्व फेरीत पराभवाचा सामना करावा लागला आहे. तिचा या फेरीत जपानच्या नोझोमी ओकुहाराने २१-१५, १५-२१, २०-२२ असा पराभव केला. तिच्या पराभवामुळे भारतातही या स्पर्धेतील आव्हान संपुष्टात आले आहे.
४ मॅच पॉईंट असतानाही पराभूत
पाचव्या सीडेड सायना नेहवालला हा सामना जिंकण्यासाठी ४ मॅच पॉईंट होते. पण यापैकी एकही गुण तिला न मिळवता आल्याने सायनाने हा सामना गमावला. या सामन्याची सुरुवात सायनाने चांगली केली. तिने या सामन्याचा पहिला सेट २१-१५ असा जिंकला. तर दुसऱ्या सेटमध्ये ओकुहाराने पुनरागमन करत हा सेट २१-१५ असा जिंकला. त्यामुळे हा सामना तिसऱ्या आणि निर्णायक सेटमध्ये गेला. या सेटमध्ये सायनाकडे २०-१६ अशी मोठी आघाडी होती. त्यामुळे ती हा सामना जिंकेल असे वाटत होते. पण ओकुहाराने यापुढे सलग ६ गुण मिळवत हा सेट २२-२० असा जिंकला.
Tried my level best today but couldn’t convert after 20-16 in third set … will prepare better for next one .. lost to nozomi okuhara in three games 21-13 ,15-21, 20-22 ..#koreaopensuper500 (quarterfinal) pic.twitter.com/8MtfnRfvO3
— Saina Nehwal (@NSaina) September 28, 2018
या पराभवानंतर सायना म्हणाली, “तिसऱ्या सेटमध्ये २०-१६ स्कोर असताना मी सामना जिंकण्याचा खूप प्रयत्न केला. पण मला सामना जिंकण्यात अपयश आले. मी पुढच्या वेळी अधिक सराव करून मैदानात उतरीन.”