भारताची बॅडमिंटनपटू सायना नेहवालने डेन्मार्क ओपन बॅडमिंटन स्पर्धेच्या दुसऱ्या फेरीत प्रवेश केला. तिने या स्पर्धेच्या पहिल्या फेरीत सायनाने हाँगकाँगच्या चेउन्ग यी हिचा २०-२२, २१-१७, २४-२२ असा पराभव केला.
असा झाला सामना
या सामन्याची सुरुवात सायनासाठी चांगली झाली नाही. तिने या सामन्याचा पहिला सेट २०-२२ असा गमावला. पण दुसऱ्या सेटमध्ये तिने पुनरागमन केले. सायनाने दुसरा सेट २१-१७ असा जिंकला. त्यामुळे हा सामना तिसऱ्या आणि निर्णायक सेटमध्ये गेला. या चुसरशीच्या सेटमध्ये दोन्ही खेळाडूंनी चांगला खेळ केला. पण मोक्याच्या क्षणी सायनाने आपला खेळ उंचावत हा सेट २४-२२ असा जिंकला. त्यामुळे तिने सामना जिंकत स्पर्धेच्या दुसऱ्या फेरीत प्रवेश केला आहे.
