वर्षाचा शेवटचा ग्रँड स्लॅम अमेरिकन ओपनमध्ये ही स्पर्धा ६ वेळा जिंकणाऱ्या सेरेना विलियम्सने अनास्तासिया सेवास्तोव्हा हिचा ६-०, ६-३ असा सरळ सेटमध्ये पराभव करत स्पर्धेच्या अंतिम फेरीत प्रवेश केला आहे. अमेरिकन ओपनच्या अंतिम फेरीत पोहोचण्याची ही तिची नववी वेळ आहे.
विलियम्सने मिळवला सहज विजय
महिला एकेरीच्या उपांत्य फेरीच्या सामन्यात सेरेना १९ व्या सीडेड अनास्तासिया सेवास्तोव्हावर अगदी सहज विजय मिळवला. या सामन्याच्या पहिल्या सेटमध्ये सेरेनाने सेवास्तोव्हाला एकही गेम जिंकू दिला नाही. तिने सुरूवातीपासूनच या सामन्यात आपले वर्चस्व प्रस्थपित केले. त्यामुळे तिने हा सेट ६-० असा जिंकला. तर दुसऱ्या सेटमध्ये सेवास्तोव्हाने सामन्यात पुनरागमन करण्याचा प्रयत्न केला. पण सेरेनाने तसे तिला करू दिले नाही आणि तिने हा सेट ६-३ असा जिंकत सामनाही जिंकला.
.@serenawilliams defeats Sevastova 6-3, 6-0 to reach her 9th singles final in Flushing Meadows!
She awaits the winner of Keys/Osaka…#USOpen pic.twitter.com/HSbMOahyvb
— US Open Tennis (@usopen) September 7, 2018
- Advertisement -
जपानच्या ओसाकाचा विक्रमी विजय
जपानच्या नाओमी ओसाकानेही अमेरिकन ओपनच्या अंतिम फेरीत प्रवेश केला आहे. पण तिचा उपांत्य फेरीतील हा विजय साधासुधा नव्हता. याचे कारण म्हणजे अमेरिकन ओपनच्या अंतिम फेरीत प्रवेश करणारी ओसाका ही पहिला जपानी महिला टेनिसपटू ठरली आहे. तिने अमेरिकेच्या मॅडिसन किज हिचा ६-२, ६-४ असा पराभव केला. त्यामुळे तिने पहिल्यांदाच एखाद्या ग्रँड स्लॅमच्या अंतिम सामन्यात प्रवेश केला आहे.
The dream run continues for @Naomi_Osaka_!
She becomes the first Japanese woman to reach a Grand Slam singles final in the Open era after defeating Keys 6-2, 6-4!#USOpen pic.twitter.com/7kKVkKZupe
— US Open Tennis (@usopen) September 7, 2018
