Virat Kohli Wicket viral: नेदरलँड्सविरुद्ध विराट कोहलीला सचिन तेंडुलकरचा (IND vs NED) शतकांचा विक्रम मोडीत काढला आला नाही. 51 धावा करून कोहलीला व्हॅन डर मर्वेने बोल्ड केले. व्हॅन डर मर्वेच्या करिष्माई चेंडूने कोहलीला क्लीन बोल्ड केलं त्यानंतर कोहली पॅव्हेलियनमध्ये परतला. विराट बोल्ड होताच बेंगळुरूमध्ये उपस्थित चाहत्यांना धक्काच बसला. (Virat Kohli Wicket viral Dutch spinner clean bowled Kohli Virat appreciated gave this a special gift)
कारण, कोहलीने ज्या पद्धतीने फलंदाजी सुरू केली, त्यावरून असे वाटत होते की किंग कोहली आज नक्कीच शतक ठोकेल पण नेदरलँडच्या 38 वर्षीय स्पिनरने आपल्या मिस्ट्री बॉलने विराट कोहलीला फसवलं आणि क्लीन बोल्ड केलं. कोहली 56 चेंडूत 51 धावा करून बाद झाला. किंग कोहलीला 5 चौकार आणि 1 षटकार मारला. (IND वि NED)
कोहलीला बाद केल्यानंतर 38 वर्षीय गोलंदाज व्हॅन डेर मर्वे खूप आनंदी दिसत होता, गोलंदाजाच्या चेहऱ्यावर अभिमानाची भावना स्पष्ट दिसत होती. या 38 वर्षीय गोलंदाजाने विकेट घेतल्यानंतर विराट कोहलीने त्याचं कौतुक केलं आहे. तसंच त्याला एक खास गिफ्टही दिलं आहे.
व्हॅन डर मर्वेचा करिष्माई चेंडू
कोहलीला व्हॅन डर मर्वेने त्याच्या अप्रतिम चेंडूने बाद केले. वास्तविक, कोहलीला वाटले की खेळपट्टीवर आदळल्यानंतर चेंडू वळेल, हा विचार करून कोहलीने बॅकफूटवर जाऊन ऑफ साइडने शॉट मारण्याचा प्रयत्न केला, पण खेळपट्टीवर आदळल्यानंतर चेंडू सरळ राहिला आणि स्टंपवर आदळला. व्हॅन डर मर्वेचा हा चेंडू खेळपट्टीवर आदळल्यानंतर वेगात स्टंपला लागला. कोहली आऊट झाला तेव्हा त्याच्या चेहऱ्यावरचे भाव पाहता, गोलंदाजाने त्याला आपल्या जाळ्यात अडकवले आणि बाद केले, हे सहज दिसत होते.
कोहलीनं दिलं हे खास गिफ्ट
नेदरलँडच्या 38 वर्षीय मेर्वेनं अचूक टप्प्याच्याआधारे कोहलीची विकेट काढली. विशेष म्हणजे याच मेर्वेचं कोहलीनं कृतीतून कौतुक केलं आहे. कोहलीनं त्याला स्वाक्षरी असलेली जर्सी भेट दिली. नेदरलँड्सचे सगळे गोलंदाज सहापेक्षा अधिकच्या सरासरीने धावा देत असताना मेर्वेनं चांगली गोलंदाजी केली. त्यानं 10 षटकांत 53 धावांच्या बदल्यात कोहलीला माघारी धाडलं. नवव्या क्रमांकावर फलंदाजीला आलेल्या मेर्वेनं 8 चेंडूंमध्ये 16 धावा केल्या. त्यात 1 चौकार आणि 2 षटकांचा समावेश होता.
(हेही वाचा: IND Vs NED: नेदरलँड्सविरुद्ध 9 खेळाडूंनी का केली गोलंदाजी? रोहित शर्माने सांगितलं कारण…)
