भारताची दिग्गज वेटलिफ्टर मीराबाई चानूने कॉमनवेल्थ गेम्स २०२२मध्ये भारताला पहिलं सुवर्णपदक मिळवून दिलं आहे. मीराबाई चानूने ४९ किलो वजनी गटात पदक मिळवलं आहे. एकूण २०१ किलोग्राम वजन उचलत मीराबाईनं रेकॉर्डब्रेक कामगिरी केली आहे.
#CommonwealthGames2022 | Weightlifter Mirabai Chanu does a successful lift of 88 Kg in her second attempt of snatch to create a new CWG record in Women’s 49 Kg weight category. pic.twitter.com/p3BeDC6ESj
— ANI (@ANI) July 30, 2022
स्टार वेटलिफ्टर असलेल्या मीराबाईने पहिल्याच प्रयत्नात ८४ किलो वजन उचलले आहे. तर दुसऱ्या प्रयत्नात ८८ किलो वजन उचलून तिने रेकॉर्ड तोडला आहे. तसेच तिसऱ्या प्रयत्नात चानूने ९० किलो वजन उचलण्याचा प्रयत्न केला पण त्यात तिला अपयश आलं. मॉरीशसची रनाइवोसोवाने ७६ किलो वजन उचलून दुसरं स्थान गाठलं. तर नायजेरियाची स्टेला किंग्सीने ७५ किलो वजन उचलून तिसरं स्थान पटकावलं.
🔥🙌🏼 LEGEND! Mirabai Chanu wins India’s first Gold Medal at CWG 2022 with a combined lift of 197 kg⚡
📸 Getty • #mirabaichanu #B2022 #CWG2022 #weightlifting #TeamIndia #BharatArmy pic.twitter.com/L30cx1OXtW
— The Bharat Army (@thebharatarmy) July 30, 2022
मीराबाईने क्लीन अँड जर्कमध्ये ११३ किलो वजन उचललं. त्यानंतर स्नॅच राऊंडमध्ये ८८ किलो वजन उचलत मीराबाईने आपली आघाडी कायम ठेवली. टोक्यो ऑलिम्पिकमध्ये रौप्यपदक मिळवणाऱ्या मीराबाईकडून कॉमनवेल्थ गेम्समध्ये सुवर्णपदकाचीच अपेक्षा होती. मात्र, ती अपेक्षा पूर्ण झाली.
दरम्यान, इंग्लंडच्या बर्मिंगहममध्ये सुरु असलेल्या कॉमनवेल्थ स्पर्धेत भारताने आज दिवसभरात तीन पदकं मिळवली आहेत. संकेत सरगर आणि गुरुराज पुजारी यांनी रौप्य आणि कांस्य पदक मिळवलं आहे.
हेही वाचा : CWC 2022 : सांगलीच्या संकेत सरगरची बर्मिंगहममध्ये कमाल, भारतासाठी पटकावलं सिल्वर
