वेस्ट इंडिज आणि दक्षिण आफ्रिका यांच्यातील पहिल्या कसोटी सामन्याला गुरुवारपासून सुरुवात झाली. सेंट लुसिया येथे होत असलेल्या या सामन्यात वेस्ट इंडिजचा कर्णधार क्रेग ब्रेथवेटने नाणेफेक जिंकून प्रथम फलंदाजीचा निर्णय घेतला. विंडीजने या सामन्यात १९ वर्षीय वेगवान गोलंदाज जेडन सिल्सला पदार्पणाची संधी दिली. विशेष म्हणजे, सिल्सला केवळ एका प्रथम श्रेणी सामन्याचा अनुभव आहे. मात्र, त्याने विंडीजच्या १९ वर्षांखालील संघाकडून खेळताना आणि कॅरेबियन प्रीमियर लीगमध्ये केलेल्या चांगल्या कामगिरीमुळे त्याला आता कसोटी संघात संधी देण्यात आली आहे.
Young fast bowler @jayden_seales receives his first test cap from the legendary @ambrose_curtly! 🔥
How much are WI looking forward to his bowling in this test match? #MenInMaroon #WIvSA 🏏🌴 pic.twitter.com/aemaBt1x5e
— Windies Cricket (@windiescricket) June 10, 2021
१९ वर्षांखालील वर्ल्डकपमध्ये १० विकेट
मागील वर्षी दक्षिण आफ्रिकेत झालेल्या १९ वर्षांखालील वर्ल्डकपमध्ये सिल्सने सहा सामन्यांत १० विकेट घेतल्या होत्या. त्यामुळे कॅरेबियन प्रीमियर लीगमध्ये त्याला ट्रिंबॅगो नाईट रायडर्सने संधी दिली आणि त्याने सहा सामन्यांत आठ गडी बाद केले. परंतु, प्रथम श्रेणी क्रिकेटमध्ये त्याने आतापर्यंत केवळ एक सामना खेळला आहे. वेस्ट इंडिज ‘अ’ संघाकडून खेळताना न्यूझीलंड ‘अ’विरुद्ध त्याला केवळ एक विकेट घेता आली.
एल्गरचा पूर्णवेळ कर्णधार म्हणून पहिला सामना
विंडीजने एका प्रथम श्रेणी सामन्याचा अनुभव असलेल्या सिल्सला संघात स्थान दिले आहे. तर दुसरीकडे दक्षिण आफ्रिकेने कीगन पीटरसन आणि कायेल वेयायन या फलंदाजांना पदार्पणाची संधी दिली असून हे दोघेही ४० हून अधिक प्रथम श्रेणी सामने खेळले आहेत. तसेच डीन एल्गरचा दक्षिण आफ्रिकन कसोटी संघांचा पूर्णवेळ कर्णधार म्हणून हा पहिलाच सामना आहे.
