भारताचा बॅडमिंटनपटू किदम्बी श्रीकांतने विजय मिळवण्याची मालिका कायम ठेवत स्पेनच्या पॅब्लो अॅबीयनाला नमवत जागतिक बॅडमिंटन स्पर्धेची उपउपांत्यपूर्वफेरी गाठली आहे. पहिल्या सामन्यात आयर्लंडच्या नहात न्युगेनचा पराभव करत श्रीकांतने दुसरी फेरी गाठली होती. आता दुसरी फेरी जिंकत श्रीकांत थेट उपउपांत्यपूर्व फेरीत पोहोचला आहे.
Exciting @Pablo_Abian Save and smash vs. Kidambi #TOTALBADMINTON #TOTALBWFWC2018 pic.twitter.com/IPquBkao2h
— BWF (@bwfmedia) August 1, 2018
असा झाला सामना
श्रीकांतने स्पेनच्या पॅब्लो अॅबीयनाला ३ पैकी २ सेट्समध्ये मात देत विजय आपल्या नावे केला. पहिल्या सेटमध्ये श्रीकांतने २१-१५ च्या फरकाने विजय मिळवत सामन्यात १-० ची आघाडी घेतली. मात्र दुसऱ्या सेटमध्ये स्पेनच्या पॅब्लोने अप्रतिम खेळ दाखवत २१-१२ च्या फरकाने सेट जिंकत सामन्यात बरोबरी साधली. मात्र अखेरच्या सेटमध्ये श्रीकांतने आपला खेळ उंचावत २१-१४ च्या फरकाने सेट जिंकत सामना आपल्या नावे केला.
Perfect start to the day!????@srikidambi beats Pablo Abian of ?? 21-15; 12-21;21-14 to ensure place in the Pre Quarters of the #WorldChampionship2018. Srikanth will face off with Daren Liew of Malaysia tomorrow. #IndiaontheRise pic.twitter.com/CjGPjjVRxC
— BAI Media (@BAI_Media) August 1, 2018
उप-उपांत्यपूर्व फेरीत मलेशियाच्या डॅरेन लिएवशी झुंज
श्रीकांतचा यानंतरचा उप-उपांत्यपूर्व फेरीतील सामना हा मलेशियाच्या डॅरेन लिएव विरूद्ध खेळवला जाणार आहे. श्रीकांतने आतापर्यंत स्पर्धेत चांगली कामगिरी केली असून त्याच्या पुढच्या कामगिरीकडे सर्वांचे लक्ष लागून राहीले आहे.