बॉलिवूड अभिनेता संजय दत्तच्या आयुष्यात किती चढउतार आले हे सर्वश्रुत आहे. पुन्हा एकदा संजय दत्त समोर नवं संकट उभं ठाकलं आहे. संजय दत्तला तिसऱ्या स्टेजचा फुफ्फुसाचा कर्करोग झाला आहे. त्यामुळे उपचार घेण्यासाठी तो परदेशातही जाण्याची शक्यता आहे. वैद्यकीय उपचारांसाठी काही काळ चित्रपटसृष्टीतून ब्रेक घेतल्याची माहिती संजय दत्तने दिली होती. अनेकांनी त्याच्या प्रकृतीसंदर्भात संदेश दिले आहेत. कर्करोगावर यशस्वीपणे मात करणाऱ्या युवराज सिंगने देखील संजय दत्तला खास संदेश दिला.
“संजय दत्त, आम्हाला सगळ्यांनाच माहिती आहे की तू लढाऊ वृत्तीचा होतास आणि नेहमीच राहशील. कर्करोगाच्या आजारातील होणाऱ्या वेदना मला माहिती आहेत. पण मला हे देखील माहिती आहे की तू या संकटाला धैर्याने सामोरा जाशील आणि कर्करोगावर मात करशील. मी तुझ्यासाठी प्रार्थना करतोच आहे. तू लवकर तंदुरूस्त हो,” असा संदेश युवराजने संजय दत्तला दिला.
You are, have and always will be a fighter @duttsanjay. I know the pain it causes but I also know you are strong and will see this tough phase through. My prayers and best wishes for your speedy recovery.
— Yuvraj Singh (@YUVSTRONG12) August 11, 2020
शनिवारी संध्याकाळी संजय दत्तला लीलावती रुग्णालयात दाखल करण्यात आलं होतं. अस्वस्थता आणि श्वसनाचा त्रास होऊ लागल्याने त्याला रुग्णालयात दाखल करण्यात आलं होतं. त्यानंतर संजय दत्तला डिस्चार्जही देण्यात आला. मात्र, फुफ्फुसाचा कर्करोग झाल्याचं स्पष्ट झालं. त्यामुळे संजय दत्त पुढील उपचारासाठी परदेशात जाण्याची शक्यता आहे.
हेही वाचा – पंतप्रधान मोदी उद्या प्रामाणिक करदात्यांना देणार ‘गिफ्ट’