युट्यूबवर व्हिडिओ अपलोड करुन तो व्हायरल करणं याचा ट्रेंड सध्या वाढतो आहे. केवळ युट्यूबमुळे जगभरात व्हायरल झालेले अनेक ‘स्टार्स’ तुम्हालाही माहित असतील. तरुणवर्गामध्ये अधिक लोकप्रिय असलेलं युट्यूब आता लवकरच युजर्ससाठी एक नवीन फिचर अॅड करणार आहे. युटयूब अपलोडर्सना व्हिडीओ अपलोड करतेवेळी टायटल आणि डिस्क्रीप्शनमध्ये ‘हॅशटॅग’ (#) टाकण्याची परवानगी देणार आहे. ‘हॅशटॅग’च्या वापरामुळे युजर्सना व्हिडिओ शोधणं अधिक सोपं जाईल, असं युट्यूबचं म्हणणं आहे. फेसबुक, ट्वीटर आणि इन्स्टाग्रामच्या पाठोपाठ आता युट्यूबनेही हॅशटॅगचा वापर सुरु करण्याचा निर्णय घेतला असल्यामुळे सोशल मीडिया युजर्सकडून या निर्णयाचं कौतुक होत आहे. तर दुसरीकडे हॅशटॅगची सुविधा नसल्यामुळे वरील तिन्ही सोशल मीडिया प्लॅटफॉर्म्सच्या तुलनेत युट्यूब मागे पडत होते आणि म्हणून त्यांनी हा निर्णय घेतला असल्याचे बोलले जात आहे.
अशाप्रकारे होणार # चा उपयोग
युजर्सना त्यांचा व्हिडीओ अधिकाधिक लोकांपर्यंत पोहचवता यावा, यासाठी युट्यूब हे हॅशटॅग फिचर देणार आहे. एखाद्या हॅशटॅगमध्ये टाकलेले जास्तीत जास्त शब्द लोक जेव्हा युट्यूबवर जाऊन सर्च करतील, तेव्हा तो व्हिडीओ लगेचच त्यांच्यासाठी ओपन येईल. याशियाव याचा दुसरा फायदा म्हणजे # मध्ये टाकलेला एखादा शब्द तुम्ही युट्यूब विंडोमध्ये टाईप कराल, तेव्हा त्या शब्दाने टॅग करण्यात आलेले अन्य सर्व व्हिडीओ तुमच्यासाठी होम पेजवर येतील. दरम्यान उपलब्ध माहितीनुसार, सुरुवातीला युट्यूब केवळ ३ हॅशटॅग वापरायचीच परवानगी देणार असून, तुम्ही हे हॅशटॅग्स व्हिडिओच्या खाली आणि वर दोन्हीकडे वापरु शकता.