कल्याणमधील गणेश घाटावर छठपूजा मोठ्या थाटामाटात साजरी करण्यात आली. निर्जला व्रत करणार्‍या महिलांनी अर्घ्य देऊन मावळत्या सूर्याला नमस्कार केला आणि आपल्या कुटुंबाच्या सुख-समृद्धीची कामना केली. यावेळी हजारो छठ प्रेमी उपस्थित होते. सुरक्षेच्या दृष्टीने स्थानिक पोलिसांकडून चोख बंदोबस्त ठेवण्यात आला होता. छठ पूजा उत्सवादरम्यान संस्थेचे कल्याण सल्लागार विजयनारायण पंडित, सल्लागार डॉ.पंकज उपाध्याय, रवी गुप्ता, संघटनेचे अध्यक्ष अशोक राजपूत, अवदकिशोर बरनवाल, अशोक जे.गुप्ता, देवेंद्र सिन्हा, मनोज गुप्ता, अंकित सिन्हा, प्रदीप उपाध्याय यांच्यासह संस्थेचे अनेक सदस्य उपस्थित होते. छठप्रेमींसाठी करमणूक म्हणून समितीतर्फे भजन संध्याचे आयोजन करण्यात आले होते. छठ मैयाच्या गाण्याचा आणि भजनाचा लोकांनी भरभरून आनंद घेतला.
खासदार श्रीकांत शिंदे यांच्या हस्ते तलावाचे भूमिपूजन
रविवारी सायंकाळी कल्याणचे खासदार डॉ.श्रीकांत शिंदे यांच्या हस्ते कल्याण पूर्वेतील नांदिवली तलावाच्या घाट आणि सुशोभिकरणाचे भूमिपूजन करण्यात आले. यावेळी त्यांच्यासमवेत शिवसेना शहरप्रमुख (उभासे) सी.पी.मिश्रा, विधानसभाप्रमुख नीलेश शिंदे, शहरप्रमुख महेश गायकवाड, माजी नगरसेवक नवीन गवळी, प्रवीण तिवारी, प्रशांत तिवारी यांच्यासह मोठ्या संख्येने छठप्रेमी उपस्थित होते. छठप्रेमींच्या घाट आणि तलावाच्या सुशोभिकरणासाठी 50 लाख रुपयांचा निधी प्राप्त झाला असून, त्याचे काम लवकरच सुरू करण्यात येणार असल्याचे शिवसेना शहरप्रमुख सी.पी.मिश्रा यांनी सांगितले. सेवेसाठी स्वयंसेवक तैनात करण्यात आले होते. कल्याण पूर्वेतील नांदिवली तलावात छठप्रेमींच्या स्वागतासाठी भाजपचे आमदार गणपत गायकवाड स्वतः उपस्थित होते. गायकवाड यांच्या मार्गदर्शनाखाली स्वच्छ भारत अभियान प्रमुख मृत्युंजय शुक्ला, ग्रामस्थ नारायण ढोणे, प्रल्हाद ढोणे यांच्यासह अनेक स्वयंसेवक उपस्थित होते.स्वयंसेवकांनी छठप्रेमींचे स्वागत केले. ढोणे परिवाराकडून काही लोकांना पूजेचे साहित्यही उपलब्ध करून देण्यात आले होते.
