केडीएमसी महापालिका आयुक्त डॉ.भाऊसाहेब दांगडे, अतिरिक्त आयुक्त मंगेश चितळे यांनी दिलेल्या सक्त निर्देशानुसार महापालिकेच्या सर्वच प्रभागांत काल दिवसभरात अनाधिकृत नळजोडण्या खंडीत करण्याची धडक मोहिम प्रभागक्षेत्र अधिकारी यांनी राबविली. एक अ प्रभागात बल्याणी परिसरातील एकूण अर्धा इंची 17 नळजोडण्या(एक अनिवासी व 16 निवासी) खंडीत करण्यात आल्या. 2 ब प्रभागात उंबर्डे परिसरातील अर्धा इंची 5 अनाधिकृत नळ जोडणी खंडीत करण्याची कारवाई करण्यात आली. तसेच 3 क प्रभागातील देवानंद भोईर चाळ, चंदनशिवेनगर या परिसरातील अर्धा इंची 21 अनाधिकृत नळ जोडणी खंडीत करण्याची धडक कारवाई करण्यात आली.
4/ जे प्रभागात अशोकनगर , वालधुनी या परिसरात अर्धा इंची 13 अनाधिकृत नळ जोडणी खंडीत करण्याची कारवाई करण्यात आली. 5/ड प्रभागात काटेमानिवली या परिसरात अर्धा इंच 5 अनाधिकृत तसेच एक इंच 5 अनाधिकृत नळ जोडणी खंडीत करण्याची कारवाई करण्यात आली. तसेच 6 फ प्रभागात खंबाळपाडा, कांचनगाव या परिसरात 1 इंची 10 व अर्धा इंच 2 अशी एकूण 12 अनाधिकृत नळ जोडणी खंडीत करण्याची कारवाई करण्यात आली. तर 7/ ह प्रभागातील पूर्ण परिसरात 1 इंची एकूण 15 अनाधिकृत नळ जोडणी खंडीत करण्यात आल्या. तसेच ट्युलिप बिल्डिंग या इमारतीवर अनाधिकृत नळ जोडणीबाबत गुन्हा दाखल करण्यात आला आहे. 8/ ग प्रभागात नेरूरकर रोड, म्हात्रे नगर, आयरेगाव या परिसरात अर्धा इंच 5 व 1 इंच 7 अशी एकूण 12 अनाधिकृत नळ जोडणी खंडीत करण्यात आली.
9 / आय प्रभागात गोळवली, पिसवली या परिसरात एकूण 22 अनाधिकृत नळ जोडणी खंडीत करण्याची कारवाई करण्यात आली. तसेच 9/आय प्रभागातील 14 वाणिज्य आस्थापनांवर अनधिकृत नळ जोडणी संदर्भात गुन्हा दाखल करण्यात येत असल्याची माहिती कार्यकारी अभियंता किरण वाघमारे यांनी दिली. त्याचप्रमाणे 10/ ई प्रभागात देखील नांदिवली, भोपर व देसलेपाडा या परिसरात 6 पाऊण इंच अनधिकृत नळ जोडणींवर कारवाई करण्यात आली. ही कारवाई पाणी पुरवठा विभागातील कार्यकारी अभियंता प्रमोद मोरे व किरण वाघमारे यांच्या अधिपत्त्याखाली सर्व प्रभागातील उप अभियंता, कनिष्ठ अभियंता, प्रभागांचे सहा.आयुक्त, प्लंबर व इतर कर्मचारी यांच्या सहकार्याने करण्यात आली. महापालिका आयुक्त डॉ.भाऊसाहेब दांगडे यांनी दिलेल्या निर्देशानुसार ही कार्यवाही यापुढेही सुरु राहणार असल्याची माहिती पाणी पुरवठा विभागामार्फत देण्यात आली.
