ठाणे । मध्य रेल्वे मार्गावरील ठाणे ते कल्याण जलद मार्गावर रविवारी मेगाब्लॉक घेण्यात आला आहे. तसेच ट्रान्सहार्बर मार्गावरील ठाणे ते वाशी दरम्यान देखील देखभाल दुरुस्थीच्या कामाकरिता मेगाब्लॉक रेल्वेच्या वतीने घेण्यात आला आहे. यामुळे रेल्वे प्रवाशांचा रविवारी लोकल गर्दीचा सामना करत प्रवास करावा लागणार आहे.
मध्य रेल्वे मार्गावरील उपनगरीय विभागांत विविध अभियांत्रिकी आणि देखभालीची कामे पूर्ण करण्यासाठी मेगा ब्लॉक आहे. यावेळी ठाणे आणि कल्याण स्थानकांदरम्यान अप आणि डाउन जलद मार्गावर सकाळी १०.४० ते दुपारी ३.४० वाजेपर्यंत मेगाब्लॉक असणार आहे. यावेळी छत्रपती शिवाजी महाराज टर्मिनस मुंबई येथून सकाळी ०९.३४ ते दुपारी ०३.०३ पर्यंत सुटणार्या डाऊन जलद,अर्धजलद उपनगरी सेवा ठाणे आणि कल्याण स्थानकांदरम्यान डाउन धिम्या मार्गावर वळवल्या जातील आणि त्यांच्या संबंधित थांब्यां व्यतिरिक्त कळवा, मुंब्रा आणि दिवा स्थानकावर थांबतील आणि नियोजित वेळेपेक्षा १० मिनिटे उशीरा स्थानकावर पोहोचनार आहेत.
तसेच कल्याण येथून सकाळी १०.२८ ते दुपारी ०३.४० पर्यंत सुटणार्या अप जलद,अर्धजलद उपनगरी सेवा कल्याण आणि ठाणे स्थानकांदरम्यान अप धिम्या मार्गावर वळवण्यात येतील व त्यांच्या संबंधित थांब्यांव्यतिरिक्त दिवा, मुंब्रा आणि कळवा स्थानकावर थांबतील आणि पुढे मुलुंड स्थानकावर अप जलद मार्गावर वळवले जातील आणि नियोजित वेळेपेक्षा १० मिनिटे उशीराने पोहोचनार आहेत. तसेच छत्रपती शिवाजी महाराज टर्मिनस, दादर येथून सुटणार्या डाऊन मेल, एक्स्प्रेस गाड्या ठाणे आणि कल्याण स्थानकांदरम्यान पाचव्या मार्गिकेवरून वळवण्यात येतील तसेच छत्रपती शिवाजी महाराज टर्मिनस, दादर येथे पोहोचणार्या अप मेल एक्स्प्रेस गाड्या कल्याण आणि ठाणे, विक्रोळी स्थानकांदरम्यान सहाव्या मार्गिकेवर वळवल्या जानार आहेत. तसेच ट्रान्सहार्बर मार्गावरील ठाणे आणि वाशी, नेरुळ स्थानकांदरम्यान अप आणि डाउन ट्रान्स हार्बर मार्गावर सकाळी ११.१० ते दुपारी ४.१० वाजेपर्यंत मेगाब्लॉक असणार आहे. पनवेल येथून सकाळी १०.२५ ते दुपारी ४.०९ पर्यंत ठाण्याकडे जाणारी अप ट्रान्सहार्बर मार्गावरील सेवा आणि ठाणे येथून सकाळी १०.३५ ते दुपारी ४.०७ पर्यंत वाशी, नेरुळ, पनवेलकडे जाणार्या डाऊन ट्रान्सहार्बर मार्गावरील सेवा रद्द राहनार आहेत. मेगा ब्लॉक दरम्यान रेल्वेच्या पायाभूत सुविधांच्या देखभाल आणि सुरक्षिततेसाठी ही देखभाल आवश्यक असल्याचे रेल्वेच्या माहिती जनसंपर्क अधिकार्यांनी कळवले आहे. यामुळे रविवारी प्रवाशांना गर्दीचा सामना करावा लागणार देखील आहे.
