हिवाळ्याच्या दिवसात सध्या उत्तरेकडील राज्यांमध्ये थंडीचा पारा चांगलाच वाढला आहे. अनेक देशांममध्ये बर्फ पडत असून नजर जाईल तिथे बर्फाच्या चादरी पसरल्या आहेत. रस्त्यावर मोठ मोठाले बर्फाचे डोंगरच डोंगर पहायाला मिळत आहेत. कॅनडाच्या टोरंटोमध्ये देखील अशी परिस्थिती आहे. घराबाहेर जमलेल्या बर्फामुळे घराबाहेर पडणे मुश्किल झाले होते. घराबाहेरील बर्फ बाजूला करण्यासाठी एका 9 वर्षाच्या मुलाने कमालच केली. फावड्याच्या सहाय्याने घराबाहेर रस्त्यावर जमलेला बर्फ हटवणाऱ्या मुलाचा व्हिडीओ सोशल मीडियावर वेगाने व्हायरल होत आहे.
कॅनडामध्ये सध्या बर्फ पडत असून नागरिकांना घराबाहेर पडणे कठीण झाले आहे. तरीही कॅनडामधील कार्टर ट्रोजोलो नावाचा 9 वर्षांचा मुलगा बर्फ बाजूला हटवण्यासाठी घराबाहेर पडला. बर्फ हटवताना त्याचे क्यूट एक्सप्रेशन कॅमेरात कैद केलेत आणि कार्टन एका रात्रीत सोशल मीडियावर स्टार झाला. अनेक मीडियाने देखील कार्टरची मुलाखत घेतली.
One of my favourite kids was on the news tonight in Toronto and I have officially died. I’m dead. The name plate alone. Gold. pic.twitter.com/3XNs27oHoh
— Meaghan Derynck (@MeaghanDerynck) January 18, 2022
कॅनडामध्ये सोमवारी मोठी बर्फवृष्टी झाल्याने तिथले रस्ते बंद झाले. रस्ते बंद झाल्याने मुलांना शाळेत जाता आले नाही. तेव्हा कार्टरच्या आईने घराजवळचा रस्ता शेजाऱ्यांचा रस्ता देखील साफ कर असा सल्ला दिला. आईचे म्हणणे ऐकून कार्टन फावडा घेऊन घराबाहेर आला आणि मोठ्या माणसारखा बर्फ हटवू लागला. व्हिडीओमधील कार्टरचे एक्सप्रेशन पाहून तो खूप थकलाय असे वाटते. मात्र त्याचे हेच एक्सप्रेशन नेटकऱ्यांच्या भलतेच पसंतीस उतरलेत.
कार्टरचा व्हिडीओ शेअर करत त्याखाली कॅप्शन देत लिहिले आहे की, कार्टरने स्वत:च्या आणि शेजाऱ्यांच्या घराबाहेरील बर्फ फावड्याने हटवला आणि तो आता फार थकलाय. कार्टरचा व्हिडीओला आतापर्यंत सोशल मीडियावर 3.1 मिलियन व्ह्यूज मिळालेत तर 1 लाखांहून अधिक लाईक्स मिळाले आहेत.
हेही वाचा – सेल्फी विकून तरुण झाला करोडपती
