विविध प्रलंबित मागण्यासाठी ठाण्यातील रिक्षाचालक सोमवारी संपावर जाणार आहेत. भाडे दरवाढ लागू करा, ऑटो रिक्षा-टॅक्सी परवाने वाटप बंद करा किंवा १० ते १५ वर्षे स्थगिती द्या यासह कोकण विभाग रिक्षा-टॅक्सी महासंघाच्या विविध मागण्याांसाठी १ ऑगस्ट रोजी रिक्षा-टॅक्सीवाले काम बंद आदोलन करणार आहेत. (Rickshaw drivers rickshaw closed protest on Monday for their pending demands in Thane)
रिक्षा-टॅक्सीवाल्यांचे अनेक प्रलंबित प्रश्नांबाबत सरकारला आणि आधीच्या महाविकास आघाडी सरकारला देखील कळवले होते, मात्र अद्याप यावर कोणताही निर्णय न घेतल्याने अखेर रिक्षा चालकांनी संपाची हाक दिली आहे. शिवाय, तोडगा निघाला नाही तर संप आणखी काही दिवस पुढे ढकलणार असल्याचा इशाराही युनियनच्या वतीने देण्यात आला आहे.
या आहेत प्रलंबित मागण्या?
- ऑटो रिक्षा-टॅक्सीची प्रलंभित भाडे दरवाढ बिनाविलंब लागू करा.
- ऑटो रिक्षा-टॅक्सी परवाने वाटप बंद करा किंवा १० ते १५ वर्षे स्थगिती द्या.
- नव्या मोटार वाहन कायद्यानुसार ई-चलनाव्दारे दंड आकारणी (वाहतूक पोलीसांकडून मोबाईल फोटो वारे होणारी वसुली बंद करा.
- ऑटो रिक्षा-टॅक्सी करीता स्वतंत्र कल्याणकारी महामंडळ स्थापन करून माथाडी कामगारांच्या धर्तीवर रिक्षा-टॅक्सी व्यावसायिकांना सुविधा द्या.
- थर्ड पार्टी विमा रक्कम (इन्शुरन्स) कमी करा.
- रिक्षा-टॅक्सी पासिंग
- प्रादेशिक परिवहन कार्यालयात (आर.टी.ओ.) वाहनांची ब्रेक टेस्ट तपासणी ट्रक निर्माण करा.
- चोरटी प्रवासी वाहतुक करणाऱ्या खाजगी वाहनांना प्रतिबंध करा.
- ऑटो रिक्षा-टॅक्सी स्टॅण्ड बसवुन द्या व नविन रिक्षा स्टॅण्ड का परवानगी द्या
- ऑटो रिक्षा-टॅक्सी या वाहनांची वयोमर्यादा रद्द करा.
- ऑटो रिक्षा-टॅक्सी चालकांना शेतकऱ्यांप्रमाणे संपूर्ण कर्ज माफी द्या.
- ऑटो रिक्षा-टॅक्सीना कर्ज पुरवठा करणाऱ्या बजाज फायनान्स कंपनीच्या मनमानी कारभार करणाऱ्या संस्था चालकांवर कायदेशीर कारवाई करा.
- मनमानी कारभार करणारे रिक्षा बितरक (डिलर) यांचेवर कायदेशीर कारवाई करा.
- शासकीय-निमशासकीय व खासगी कंपनीत काम करणाऱ्या कर्मचाऱ्यांचे परवाना रद्द करा.
हेही वाचा – आवडणारे मिळाले म्हणून उद्धव ठाकरे नावडते झाले; जयंत पाटीलांची शिंदे गटावर टीका