हॉलिवूडमधून बॉलिवूडमध्ये पसार झालेला भेडिया

प्रत्येक माणसामध्ये एक जनावर दबा धरून बसलेलं असतं, समाज, व्यवस्था आणि कायद्याच्या साखळदंडांनी माणसातलं हे जनावर जेरबंद राहतं, माणसातलं हे जनावर ज्यावेळी त्याच्यातल्या माणूसपणावर भारी पडतं त्यावेळी विपरित परिस्थिती निर्माण होते. अमर कौशिक दिग्दर्शित ‘भेडीया’तही माणसांतला हा हिंस्त्र लांडगा अर्थात भेडीया (वरून धवन) प्रेक्षकांवर अंधारल्या थिएटरहॉलमध्ये अचानक सोडला जातो.