गोपीचंद पडळकरांनी केली अनिल परब यांच्यावर टिका

एसटी कर्मचाऱ्यांच्या आत्महत्या आणि प्रलंबित मागण्यांसाठी राज्यभरातील एसटी कर्मचाऱ्यांचा संप सुरु आहे. मात्र राज्य सरकारकडून एसटी कर्मचाऱ्यांना आंदोलन थांबवण्याचे आवाहन केले जातेय. परंतु एसटी कर्मचाऱ्यांनी मागण्यापूर्ण होत नाही तोपर्यंत मागे हटणार नाही अशी भूमिका घेतली आहे. त्यामुळे ठिकठिकाणी आंदोलक एसटी कर्मचाऱ्यांवर कारवाई केली जात आहे. या एसटी कर्मचाऱ्यांवरील कारवाईवरून भाजपा आमदार गोपीचंद पडळकर यांनी सरकारवर सडकून टीका केली आहे. “शांततेत सुरु असलेल्या आंदोलनात अनिल परब यांना उद्रेक घडवायचाय” असा आरोप पडळकरांनी केला आहे.