कोरोनाच्या काळात शरीरासह मनालाही असते ‘पौष्टिक आहारा’ची गरज

कोरोनाच्या काळात बऱ्याच व्यक्ती या आपल्या आहाराकडे लक्ष देतात. आजारी असताना सातत्याने पौष्टिक आहार खाण्याचा डॉक्टरांकडून देखील सल्ला दिला जातो. मात्र, आजारी असताना बऱ्याचदा आपण केवळ शरीर उत्तम राहावे, याकडे लक्ष देतो. परंतु, त्यावेळी आपले मानसिक स्वास्थ देखील चांगले राहणे फार गरजेचे असते. कारण एखादी व्यक्ती टेन्शनमध्ये असते त्यावेळी त्या व्यक्तीला अतिप्रमाणात गोड खाण्याची इच्छा होते. तर बऱ्याच जणांना चटपटीत म्हणजे पिझ्झा, पेस्ट्री आणि आईस्क्रिम खाण्याची इच्छा होते. परंतु, हे खाणे शरीरासाठी घातक असल्याने या व्यतिरिक्त आपण कोणते पदार्थ खाऊ शकतो? जे आपल्या आरोग्यासाठी उत्तम असतील पाहुयात.