अहमदाबादमधून विमानाने ट्रम्प आग्रा इथं जाणार. 'कॅडिलॅक द बीस्ट' गाडीतून ट्रम्प विमानतळाकडे रवाना
भारताची खरी ताकद या देशातल्या करोडो लोकांच्या धडकत्या ह्रदयांमध्ये आहे. तुमच्या निश्चयामुळे हा देश घडला आहे. आज मी प्रत्येक भारतीयाला म्हणतो की तुमच्या भूतकाळातून प्रेरणा घ्या, एकत्र या आणि संपूर्ण मानवजातीच्या उज्ज्वल भवितव्यासाठी प्रयत्न करूयात – डोनाल्ड ट्रम्प
या देशाला गंगा, गोल्डन टेम्पल, जामा मस्जिदचे आशीर्वाद लाभले आहेत. हिमालय या देशाच्या पाठिशी आहे – डोनाल्ड ट्रम्प
पाकिस्तान सरकारसोबत आमची बोलणी सुरू असून त्यांच्या सीमाभागात सुरू असलेल्या दहशतवादी कारवाया नियंत्रणात आणण्यासाठी आम्ही प्रयत्न करत आहोत. जगभरात सुरू असलेल्या दहशतवादी कारवाया नियंत्रित करण्यासाठी आम्ही प्रयत्न करणार आहोत – डोनाल्ड ट्रम्प
मी अमेरिकी नागरिकांच्या वतीने तुम्हा सगळ्यांचे आभार मानतो तुम्ही अमेरिकेसाठी दिलेल्या योगदानाबद्दल – डोनाल्ड ट्रम्प