तामिळनाडूमध्ये एक धक्कादायक घटना घडली आहे. द्रमुकच्या माजी नगरसेवकाने एका महिलेला बेदम मारहाण केली आहे. तामिळनाडूच्या पेरम्बलुर येथे ही घटना घडली आहे. द्रमुकचे माजी नगरसेवक सेल्वकुमार याने २५ मे २०१८ ला एका महिलेला लाथाबुक्क्याने बेदम मारहाण केली होती. मारहाणीचा हा सर्व प्रकार सीसीटीव्हीत कैद झाला होता. मारहाणीचा हा व्हिडिओ सध्या सोशल मीडियावर व्हायरल होत आहे.
#WATCH Former DMK Corporator Selvakumar hits a woman at a beauty salon in Tamil Nadu's Perambalur. The incident took place on 25th May' 18. He has been arrested by the police and has been suspended from primary membership of the party (Source: CCTV footage) pic.twitter.com/B623qaLc0k
— ANI (@ANI) September 13, 2018
पेरम्बलुर येथे एका ब्युटीपार्लरमध्ये घुसून या माजी नगरसेवकाने महिलेला मारहाण केली होती. या व्हिडिओमध्ये स्पष्ट दिसत आहे की, पार्लरमध्ये उपस्थित असलेल्या काही महिला सेल्वकुमारला समजावण्याचा प्रयत्न करत होत्या. मात्र संतप्त दिसत असलेल्या सेल्वकुमार याने शिविगाळ करत महिलेला लाथाबुक्क्याने मारहाण केली. हा व्हिडिओ समोर आल्यानंतर पोलिसांनी त्याला अटक केली. त्यानंतर द्रमुकमधून देखील या राक्षस माजी नगरसेवकाची हाकालपट्टी करण्यात आली.