तामिळनाडूचे राज्यपाल बनवारीलाल पुरोहित कोरोना पॉझिटिव्ह

तामिळनाडूचे राज्यपाल बनवारीलाल पुरोहित यांना कोरोनाची लागण झाली आहे. चेन्नई येथील कावेरी रुग्णालयाने याबाबतची माहिती दिली. कोरोनाची लक्षणं दिसत असल्यामुळे त्यांची कोरोना चाचणी करण्यात आली. त्यांचा कोरोना चाचणीचा अहवाल पॉझिटिव्ह आल्यानंतर त्यांना रुग्णालयात दाखल करण्यात आलं.

गृहमंत्री अमित शाह यांना कोरोनाची लागण

केंद्रीय गृहमंत्री अमित शाह यांना देखील कोरोनाची लागण झाली आहे. त्यांनी ट्विट करत याबतची माहिती दिली आहे. डॉक्टरांच्या सल्ल्यानुसार त्यांना रुग्णालयात दाखल करण्यात आलं आहे. अमित शाह यांनी संपर्कात आलेल्यांना स्वत:ची चाचणी करुन घ्यायला तसंच आयसोलेट व्हायला सांगितलं आहे.