ललित मोदींकडून उत्तराधिकाऱ्याची घोषणा; व्यवसायाचा कारभार सोपवला मुलाच्या हाती

आयपीएलचे माजी अध्यक्ष ललित मोदी सध्या लंडनमध्ये कोरोनावर उपचार घेत आहेत. त्यांना मागील दोन आठवड्यांपासून दोन वेळा कोरोना झाला आहे. दिवसेंदिवस त्यांची प्रकृती बिघडत आहे. त्यामुळे त्यांना ऑक्सिजन सपोर्ट ठेवण्यात आलंय. दरम्यान, अशातच आता त्यांनी एक मोठा निर्णय घेतला आहे. ललित मोदी यांनी एक ट्वीट शेअर करत त्यांचा मुलगा रुचिर मोदीला त्यांच्या सर्व संपत्तीचा वारस म्हणून घोषित केलंय.

ललित मोदींनी केली निवृत्तीची घोषणा
ललित मोदींनी केके मोदी फॅमिली ट्रस्टची ललित मोदी ब्रांच मुलगा रुचिर मोदीला सोपवण्याची घोषणा केली आहे. याबाबत त्यांनी पत्रदेखील जारी केलं ज्यात त्यांनी लिहिलंय की, “मी माझ्या मुलीशी या संदर्भात सविस्तर चर्चा केली. ललित कुमार मोदी कुटुंबाचा आणि केके मोदी फॅमिली ट्रस्टमधील जबाबदारी मी आता सोडली पाहिजे, असं तिलाही वाटतं. त्यामुळे मी मुलगा रुचिरला हे सगळं सोपवण्याचा निर्णय घेतला आहे. वारस म्हणून तात्काळ त्याला हे सर्व अधिकार मिळतील. केके मोदी ट्रस्टचे यापुढचे सगळे व्यवहार एलकेएम फॅमिलीच्या वतीनं रुचिर पाहील. परंतु केके मोदी फॅमिली ट्रस्टचा एक विश्वस्त म्हणून मी पुढेही कायम राहीन.”

हेही वाचा : ‘पोस्ट ऑफीस उघडं आहे’ मालिकेत मकरंद अनासपुरे आणि दिलीप घारे दिसणार एकत्र