आता Twitter ठेवणार ‘ट्रोलर्स’वर नजर…

सोशल मीडियावर होणाऱ्या ट्रोलिंगला आळा घालण्यासाठी आता Twitter ने एक पाऊल पुढे टाकलं आहे. ट्विटर या मायक्रो ब्लॉगिंग साईटवर अनेक मोठ्या नेत्यांची, सेलिब्रिटीजची तसंच उद्योगपतींची अधिकृत अकाउंट्स आहेत. त्यामुळे या सोशल प्लॅटफॉर्मवर ट्रोलिंगची शक्यता कायमच अधिक असते. दरम्यान, याच गोष्टीला आळा घालण्यासाठी ट्वीटर लवकरच एक महत्वाचं फिचर लागू करणार आहे. ‘हाईड रिप्लाय’ असं या खास फिचरचं नाव असून सध्या ट्वीटरकडून या फिचरचं टेस्टिंग केल जात आहे. या फिचरमुळे ट्रोलिंगला लगाम लागण्याची शक्यता असल्याचे तज्ज्ञांकजून सांगण्यात येत आहे. हे फिचर लाँच झाल्यानंतर युजर्सकडे त्याचा विकल्प असेल अशी माहिती देण्यात आली आहे. ‘hide reply’ फिचरची चाचणी अंतिम टप्प्यात आली असून, लवकरच ते सर्व युजर्ससाठी उपलब्ध होईल अशीही माहिती देण्यात येत आहे.