अमेरिकेचे राष्ट्राध्यक्ष जो बाइडेन यांनी भारत, जपान आणि जर्मनी यांना संयुक्त राष्ट्र सुरक्षा परिषदेचे (UNSC) स्थायी सदस्य बनविण्याचे समर्थन केले आहे. व्हाईट हाऊसच्या पत्रकार परिषदेत ही माहिती देण्यात आली आहे. मात्र, या दिशेने बरेच काम होणे बाकी असल्याचे एका वरिष्ठ अधिकाऱ्याने नाव न छापण्याच्या अटीवर सांगितले.
भारत सुरक्षा परिषदेचा स्थायी सदस्य झाला पाहीजे –
वॉशिंग्टनमध्ये उपस्थित असलेल्या या वरिष्ठ अमेरिकी अधिकाऱ्याने एका प्रश्नाला उत्तर देताना सांगितले की, ‘आम्ही याआधीही आजही आणि आजही मानतो की भारत, जपान आणि जर्मनीला सुरक्षा परिषदेचे स्थायी सदस्य बनवले पाहिजे. या आधी राष्ट्राध्यक्ष जो बाइडेन यांनी संयुक्त राष्ट्र महासभेच्या (UNGA) अधिवेशनाला संबोधित करताना UNSC मध्ये सुधारणांच्या गरजेचा पुनरुच्चार केला होता.
सर्वसमावेशक सुरक्षा परिषद: बाइडेन
बाइडेन म्हणाले की त्यांचा विश्वास आहे की संघटना अधिक सर्वसमावेशक बनवण्याची वेळ आली आहे जेणेकरून ती आजच्या युगाच्या गरजा चांगल्या प्रकारे पूर्ण करू शकेल. ते म्हणाले की अमेरिकेसह सुरक्षा परिषदेच्या सदस्यांनी संयुक्त राष्ट्रांच्या चार्टरचे रक्षण करावे आणि वीटो टाळावे.
वीटोचा वापर अत्यंत गंभीर परिस्थितीतच करावा –
बाइडेन म्हणाले की वीटोचा वापर केवळ विशेष किंवा विषम परिस्थितीत केला पाहिजे, जेणेकरून कौन्सिलची विश्वासार्हता आणि त्याचा प्रभाव टिकून राहील. ते असेही म्हणाले की, ‘यामुळेच सुरक्षा परिषदेतील स्थायी आणि अस्थायी सदस्यांची संख्या वाढविण्याचा अमेरिका आग्रह धरतो. यामध्ये त्या सर्व देशांचा समावेश आहे, ज्यांच्या कायम सदस्यत्वाच्या मागणीला आम्ही दीर्घकाळापासून पाठिंबा देत आहोत.