नागरिकांच्या सुरक्षेसाठी नेमण्यात आलेल्या पोलिसांनाच आता सुरक्षा पुरवावी लागतेय की काय? अशी परिस्थिती सध्या देशात निर्माण होई लागली आहे. पोलिसांचं गांभीर्य किंवा दरारा कमी होऊन आपण कोणत्याही पोलिसाला खिशात घेऊन फिरू शकतो, अशा आविर्भावात गुन्हेगार मंडळी उघड माथ्याने फिरू लागली आहेत. उत्तराखंडमध्ये मंगळवारी रात्री असाच काहीसा प्रकार समोर आला आहे. दारु माफियांचा वाढता त्रास पाहाता उत्तराखंड पोलिसांनी त्यांच्याविरोधात मोहीम उघडली आहे. मात्र, काही दारू माफियांची भीड इतकी चेपली गेली आहे, की त्यांनी थेट या पोलिसांवरच हात उचलण्याचा बेताल वर्तन सुरू केलं आहे.
#WATCH Uttarakhand: Policemen beaten up allegedly by liquor mafia in Haridwar y'day. SP City says,“Illicit liquor was being carried on scooty in Ranipur last night. On being questioned,accused misbehaved with police. Case registered. 5 accused arrested; search for 3 others on.” pic.twitter.com/cm8tsP7WB6
— ANI (@ANI) June 26, 2019
उत्तराखंडच्या हरिद्वारच्या राणीपूर परिसरामध्ये पोलिसांकडून काही माफियांवर मंगळवारी रात्री कारवाई करण्यात येत होती. काही तरूण एका स्कूटीमधून अवैधपणे दारू नेत असल्याचं पोलिसांच्या लक्षात आल्यानंतर त्यांनी या तरुणांना हटकलं. पोलीस हवालदारानं या तरुणांना दारूसंदर्भात जाब विचारल्यानंतर नुकत्याच वीशी किंवा पंचविशीत आलेल्या या तरुणांनी समोरच्या पोलिसाला थेट मारहाण करायला सुरुवात केली. काय घडतंय हे त्या पोलिसाला कळायच्या आतच त्याच्यावर अजून काही तरुणांनी घेरून हात उचलला. विशेष म्हणजे यातलेच काही तरुण या घटनेचा व्हिडिओ काढत होते. यातलाच एक व्हिडिओ व्हायरल झाला असून एएनआय या वृत्तसंस्थेने त्यांच्या ट्विटर अकाउंटवर हा व्हिडिओ शेअर केला आहे. दरम्यान, पोलिसाने हटकल्यानंतर त्यातल्याच काहींनी पोलिसावरच उलट दारू पिऊन मारहाण केल्याचा आरोप केला. त्यामुळे परिसरात काही काळ संभ्रमाचं वातावरण निर्माण झालं होतं.
दरम्यान, हा सगळा प्रकार उघड झाल्यानंतर या तरुणांविरोधात गुन्हा दाखल करण्यात आला आहे. यापैकी ५ जणांना अटक करण्यात आली असून इतर तिघा तरुणांचा शोध सुरू असल्याची माहिती हरिद्वारच्या पोलीस अधिक्षकांनी दिली. या प्रकरणावर सोशल मीडियावर नेटिझन्सच्या संतप्त प्रतिक्रिया येऊ लागल्या आहेत.
For some reasons (obvious) Policemen in India have lost their respect.. High Time they earn it back before situation goes out of control.
— Optimist (@opt_i_mistic) June 26, 2019
शराब माफिया और खनन माफिया हावी हैं उत्तराखंड में और हौसले बुलंद है इनके ।
ये बहुत ही शर्मनाक है @Muft_Nosh @pahado_say_hain @SwarupRss— ??विशवास रावत छुंयाल भैजी?? (@VishwasRawat10) June 26, 2019
Haridwar means Hari ka nibas. for these peope 1st 5 letter is omitted. what is shown in the video in unbecoming of the name of the place. actually we people r not up to the mark but we always blame the law makers. we perhaps dont deserve good things.
— shankar goswami (@me_goswami) June 26, 2019