नवी दिल्ली – ज्येष्ठ वकील आर. वेंकटरामानी यांची देशाचे नवे अॅटर्नी जनरल म्हणून नियुक्ती करण्यात आली आहे. ते या पदावर 3 वर्ष राहणार आहेत. सध्याचे अॅटर्नी जनरल केके वेणुगोपाल यांचा कार्यकाळ 30 सप्टेंबरला संपत आहे. त्याच्या जागी आर. वेंकटरामानी यांची नियुक्ती करण्यात आली आहे. केके वेणुगोपाल यांचा कार्यकाळ 30 जून रोजी संपणार होता. मात्र, केंद्र सरकारने तीन महिन्यांसाठी त्यांचा कार्यकाळ वाढवला होता.
सरकारने सर्वोच्च न्यायालयातील वरिष्ठ वकील मुकुल रोहतगी यांच्याकडे अॅटर्नी जनरल पदाची जबाबदारी स्वीकारण्याचा प्रस्ताव पाठवला होता. मात्र, त्यांनी तो स्वीकारला नाही. दरम्यान, कायदा आणि न्याय मंत्री किरन रिजिजू यांच्या कार्यालयाने ट्विट करून आर. वेंकटरामानी यांच्या नियुक्तीची पुष्टी केली. किरेन रिजिजू यांच्या कार्यालयाच्यावतीने आर. वेंकटरामानी यांना 1 ऑक्टोबर 2022 पासून भारताचे अॅटर्नी जनरल म्हणून नियुक्ती करण्यात आल्याचे म्हटले आहे.
माननीय राष्ट्रपति, श्री आर. वेंकटरमणी, वरिष्ठ अधिवक्ता को दिनांक 1 अक्टूबर, 2022 से भारत के महान्यायवादी के पद पर नियुक्त करती हैं।
Honorable President is pleased to appoint Shri R. Venkataramani, Senior Advocate as Attorney General for India w.e.f. 1st October 2022. pic.twitter.com/MnChp8TRGv
— Office of Kiren Rijiju (@RijijuOffice) September 28, 2022
कोण आहेत आर. वेंकटरामन –
13 एप्रिल 1950 रोजी पुडुचेरी येथे जन्मलेले आर. वेंकटरामाणी हे सर्वोच्च न्यायालयातील ज्येष्ठ वकील आणि भारताच्या कायदा आयोगाचे सदस्य आहेत. 3 दशकांहून अधिक काळ ते सर्वोच्च न्यायालयात प्रॅक्टिस करत आहेत. आर. वेंकटरामानी यांनी जुलै 1977 मध्ये बार कौन्सिल ऑफ तामिळनाडूमध्ये प्रॅक्टिस सुरू केली, 1979 मध्ये त्यांनी सर्वोच्च न्यायालयात प्रॅक्टिस सुरू केली. 1997 मध्ये त्यांना सर्वोच्च न्यायालयाने वरिष्ठ वकील म्हणून नामांकित केले. 2010 मध्ये त्यांची विधी आयोगाचे सदस्य म्हणून नियुक्ती करण्यात आली होती. 2013 मध्ये त्यांना कायदा आयोगाचे सदस्य म्हणून आणखी एक टर्म मिळाली होती.