Video: वादग्रस्त ‘राफेल’ विमानाचा फर्स्ट लूक

उपलब्ध माहितीनुसार, भारत एकूण ३६ राफेल विमानं फ्रान्सकडून खरेदी करणार आहे. राफेल हे एक उच्च दर्जाचे लढाऊ विमान असल्याचा दावा केला जातो. विशेष म्हणजे भारत खरेदी करणार असलेल्या या विमानांची निर्मीती भारतातच होणार आहे. यासंदर्भात राफेल विमानाची निर्मीती करणाऱ्या ‘द सॉल्ट’ या एव्हिएशन कंपनीने रिलायन्स कंपनीसोबत करारही केला आहे. दरम्यान, राहुल गांधींनी केलेले सर्व आरोप ‘द सॉल्ट’ कंपनीचे मुख्य कार्यकारी अधिकारी इरीक ट्रॅपर यांनी फेटाळून लावले आहेत. याविषयी स्पष्टीकरण देताना ट्रॅपर म्हणाले, की ‘मी कोणत्याही राजकीय अधिकाऱ्यासाठी वा पक्षासाठी काम करत नाही.’ याशिवाय त्यांनी रिलायन्ससोबत आपला राफेल निर्मितीचा करार झाला असल्याचेही यावेळी स्पष्ट सांगतिले. विमान खरेदी करण्याचा हा करार दोन्ही देशांमध्ये स्वस्त दरात झाल्याचेही ते म्हणाले.

राफेल घोटाळ्यात उद्योगपती अनिल अंबानींचाही सहभाग असल्याचा आरोप राहुल गांधीं यांनी केला होता. मात्र, यावर अनिल अंबानी यांच्या प्रवक्त्यांकडून नुकतंच चोख उत्तर देण्यात आलं आहे. राफेल काँग्रेस सातत्याने खोटी माहिती देत असल्याचे स्पष्टीकरण रिलायन्स इन्फ्रास्ट्रक्चरचे प्रवक्त्यांनी दिले आहे. ‘काँग्रेसने पुन्हा एकदा खोटेपणाचा कळस करत तथ्यांची मोडतोड करून रिलायन्स ग्रुपचे अध्यक्ष अनिल अंबानी यांच्याविरोधात चुकीची मोहीम उघडली अाहे’, असं स्पष्ट मत त्यांनी व्यक्त केलं आहे.

सविस्तर वाचा: डासू आणि राफेलचा काहीच संबंध नाही – अनिल अंबानी