बुरखा घालून मतदान करण्यावर भाजप खासदाराचा आक्षेप

बुरख्याआडून बोगस मतदान होते. त्यामुळे बुरखा घालून येणाऱ्या महिलांचे चेहरे तपासा अन्यथा फेरमतदानाची मागणी करेन असा इशारा मुझफ्फरनगरचे भाजप खासदार संजीव बालियान यांनी दिला आहे. आजपासून लोकसभा निवडणुकीच्या मतदानाच्या पहिल्या टप्पयाला सुरूवात झाली. १७ व्या लोकसभेच्या निवडणुकांसाठी देशभरात ९१ जागांवर आज मतदान होत आहे. यावेळी ते बोलत होते.

तबस्सूम हसन म्हणतात…

बुरख्यातील महिलांनी कधीच चेहऱ्याची तपासणी करायला नकार दिला नाही. त्यामुळे बालियान यांच्या आरोपांना काहीच अर्थ नाही अशी टीका कैरानाहून महागठबंधनच्या उमेदवार असलेल्या तबस्सूम हसन यांनी केली आहे.