टाईमपास,टाईमपास २, कॉफी आणि बरच काही,सतरंगी रे या चित्रपटातून प्रेक्षकांची मनं जिंकणारा अभिनेता म्हणजे भूषण प्रधान. पिंजरा या मालिकेने भूषण प्रधानला खऱ्या अर्थाने लोकप्रियता मिळाली. लवकरच भूषण बॉलिवूडमध्ये पदार्पण करायला सज्ज झाला आहे. या सिनेमाच्या निमित्ताने रायमा सेन बरोबर दिसणार आहे.
या सिनेमाची कथा मानवी तस्करीवर आधारीत असून यात सामाजिक संदेश देखील देण्यात आला आहे. या चित्रपटात भूषणबरोबर अनेक मराठी कलाकार झळकणार आहेत. अतुल कुलकर्णी,प्रथमेश परब व तेजश्री प्रधान प्रमुख भुमिकेत दिसणार आहेत.
भूषण प्रधान कायमच सोशलमिडीयाच्या माध्यमातून चाहत्यांशी कनेक्ट असतो. तो नेहमीच आपले फोटो,नवीन चित्रपट, मालिका याविषयी माहिती देत असतो. २०२० हे वर्ष भूषणसाठी खूप खास असणार हे नक्की.