वाढदिवसादिवशी अजयचा ‘आरआरआर’मधील फर्स्ट लूक

बॉलिवूड अभिनेता अजय देवगण सध्या त्याच्या कामात खूप व्यग्र आहे. आगामी दिवसांत तो त्याच्या बऱ्याच मोठ्या प्रोजेक्टवर काम करताना दिसत आहे. अजयने नुकताच त्याचा ५२ वा वाढदिवस साजरा केला आहे. वाढदिवसानिमित्त एक खास सरप्राइज त्याने त्याच्या चाहत्यांना दिले आहे. काही दिवसांपासून एस. एस. राजमौली दिग्दर्शित ‘आरआरआर’ या चित्रपटाची जोरदार चर्चा रंगल्या होत्या. या चित्रपटात अजय देवगण खलनायकाची मुख्य भूमिका साकारणार अशी माहिती समोर आली होती. या चित्रपटाच्या पहिल्या पोस्टरपासून या चित्रपटात अजून कोण-कोणते कलाकार झळकणार याची प्रेक्षकांना उत्सुकता होती. आता या चित्रपटातील अजय देवगणचा धमाकेदार लूक प्रेक्षकांच्या समोर आला आहे. अजयचा ‘आरआरआर’ मधील फर्स्ट लूक मोशन पोस्टरसह प्रदर्शित करण्यात आला आहे. स्वत: अजयने त्याच्या वाढदिवसादिवशी चित्रपटातील हा फर्स्ट लूक त्याच्या इंन्स्टाग्राम अकाऊंटवर शेअर केला आहे. यामध्ये त्याने एक शॉल परिधान केलेला आहे आणि त्याला काढताना त्याचे प्रभावशाली भूमिकेत दिसतो आहे. अजय देवगणला सैनिकांनी घेरलेले दिसत आहे.

हे वाचा- श्वेता तिवारीच्या लेकीचे बॉलिवूडमध्ये पदार्पण!