अंकिता लोखंडे-विकी जैनची प्रकृती बिघडली, शेअर केले फोटो
My Mahanagar Manini
टेलिव्हिजन लव्हबर्ड्स अंकिता लोखंडे आणि विकी जैन त्यांच्या व्यावसायिक आयुष्याव्यतिरिक्त त्यांच्या वैयक्तिक आयुष्यासाठी नेहमीच चर्चेत असतात. अभिनेत्री अंकिता लोखंडेच्या हाताला दुखापत झाली आहे. यामुळे तिला रुग्णालयात दाखल करावे लागले. खुद्द अंकिताने ही माहिती आणि फोटो शेअर केले आहेत. या फोटोंमध्ये तिच्यासोबत पती विकी जैनही दिसत आहे.गुरुवारी रात्री उशिरा अंकिताने इंस्टाग्रामवर काही फोटो शेअर केली, ज्यात तिचा उजवा हात जखमी झालेला दिसत आहे. या कठीण काळात पती विकीही तिच्यासोबत आहे. या फोटोंसोबत अंकिताने कॅप्शनमध्ये लिहिले आहे- आजारपणात एकत्र
हे फोटो व्हायरल होताच लोकांनी त्यावर जोरदार टीका करण्यास सुरुवात केली. एका यूजरने लिहिले की, “आजारी लोकांमध्ये सोशल मीडियावर पोस्ट करण्याची ऊर्जा खरोखर असते का?” दुसऱ्या यूजरने लिहिले की, “रुग्णालयात आराम करा!!!! त्यांना तिथूनही शो ऑफ करावा लागेल.” आणखी एका यूजरने लिहिले की, “बिग बॉसच्या घरात नाटक केल्यानंतर आता इथे…”
अंकिताच्या वर्क फ्रंटबद्दल बोलायचे झाले तर, ती स्वातंत्र्यवीर सावरकर या चित्रपटात दिसली होती. या चित्रपटात तिच्यासोबत रणदीप हुड्डाही दिसला होता. येत्या काही दिवसांत ती आम्रपाली या वेब सीरिजमध्ये दिसणार आहे.