देशभरात सध्या नव्या कृषी विधेयकावर विरोध करण्यासाठी पंजाबमधील शेतकऱ्यांकडून तीव्र विरोध होत आहे. नवीन कृषी विधेयकावर शेतकऱ्यांची बाजू घेत कॉमेडियन कपिल शर्मा यांनी ट्विटरच्या माध्यमातून आपल मत मांडले आहे. पण हे मत मांडतानाच कपिल शर्मा यांना ट्विटरवर ट्रोल करण्यात आले आहे. कपिल शर्मा यांनीही आपल्या अंदाजात या ट्रोलर्सने नेमक्या शब्दात सडेतोड उत्तर दिले आहे. मी माझे काम तर करतच आहे, तुम्ही पण तुमच काम करा, उगाच ५० रूपयांचे रिचार्ज करून फालतूची अक्कल पाजळू नका अशा शब्दात आपल्यावर होणाऱ्या टीकेला कपिल शर्मा यांनी उत्तर दिले आहे.
काय होत कपिल शर्मा यांचे ट्विट
शेतकऱ्यांच्या मुद्द्याला राजनैतिक रंग न देता, यावर काहीतरी तोडगा निघायला हवा, असे मत कपिल शर्मा यांनी व्यक्त केले होते. कोणताच मुद्दा इतका मोठा नसतो, ज्यावर चर्चेतून मार्ग निघत नसतो. आम्ही सर्वजण देशातल्या शेतकरी बांधवांसोबत आहोत. शेतकरी आमचे अन्नदाता आहेत.
किसानो के मुद्दे को राजनीतिक रंग ना देते हुए बातचीत से इस मसले का हल निकालना चाहिए।कोई भी मुद्दा इतना बड़ा नहीं होता के बातचीत से उसका हल ना निकले।हम सब देशवासी किसान भाइयों के साथ हैं। यह हमारे अन्नदाता हैं।#farmers
— Kapil Sharma (@KapilSharmaK9) November 29, 2020
पण कपिल शर्मा यांच्या या ट्विटचा समाचार घेत काही ट्विटरवरील समर्थकांनी मात्र कपिल शर्मा यांना टार्गेट केले आहे. एका ट्विटर युजरने आपल्या ट्विटमध्ये म्हटले आहे की कपिल शर्मा, तुम्ही गपचुप कॉमेडी करा, राजकारण करू नका. शेतकऱ्यांचे हितचिंतक असल्याचे उगाच दाखवू नका, जे तुझ काम आहे त्यावर फोकस कर अशा शब्दात या ट्विटर युजरने कपिल शर्माला चिमटा काढला आहे. या ट्विटवर कपिल शर्मा यांनीही तितक्यात हजरजबाबीपणे उत्तर दिले आहे.
कॉमेडी कर चुप चाप , राजनीति करने की कोशिश मत कर
ज्यादा किसान हितैसी बनने की कोशिश मत कर ,जो काम तेरा है उस पर फोकस रख ,— Jiger Rawat🇮🇳🚩🚩🇮🇳 (@JigerRawat) November 29, 2020
कपिल शर्माचे ट्विट
भाऊ साहेब मी माझच काम करत आहे. आपणही आपल काम कराव, देशभक्त लिहिल म्हणून कोणी देशभक्त होत नाही, काम करा आणि देशाच्या प्रगतीत योगदान द्या. उगाच ५० रूपयांचा रिचार्ज करून फालतूचे ज्ञान वाटू नका. धन्यवाद.
भाई साहब मैं तो अपना काम कर ही रहा हूँ, कृपया आप भी करें, देशभक्त लिखने से कोई देशभक्त नहीं हो जाता, काम करें और देश की तरक़्क़ी में योगदान दें 🙏 50 rs का रीचार्ज करवा के फ़ालतू का ज्ञान ना बांटे। धन्यवाद #JaiJawanJaiKissan https://t.co/EIyByD9cHJ
— Kapil Sharma (@KapilSharmaK9) November 29, 2020