मालदिवमध्ये भारतीयांसाठी नो एन्ट्री, सोशल मीडियावर मिम्स व्हायरल….

गेल्या वर्षभरापासून कोरोनाने संपूर्ण जगात थैमान घातले आहे. आता कोरोना विषाणूची दुसरी लाटही भयंकर रुप घेताना दिसत आहे. सर्वच क्षेत्रांना याचा परिणाम भोगावा लागत आहे. रोजची वाढती रुग्णसंख्या पाहता अनेक देशांनी भारतातून येणाऱ्या प्रवाशांवर बंदी आणली आहे. देशात कोरोनाव्हायरसचा प्रसार होवू नये म्हणून भारतातून येणाऱ्या सर्व फ्लाइट्सवर बंदी घातली आहे. यात मालदीवचाही समावेश आहे. मालदीवमधील पर्यटन मंत्रालयाने सोमवारी एक महत्त्वाचा निर्णय घेतला आहे. त्यांनी २७ एप्रिलपासून भारतातून मालदिवला येणाऱ्या पर्यटकांवर बंदी घातली आहे. मालदिवमधील पर्यटन मंत्रालयाने एक ट्विट शेअर करत ही माहिती दिली आहे. या निर्णयाच्या अधिकृत घोषणेनंतर मीमसेना सोशल मीडियावर सज्ज झाली आहे.

बॉलीवूड सेलिब्रिटींच्या मालदीव व्हेकेशनची चर्चा सर्वत्र होत आहे. बॉलीवूड अभिनेता नवाजुद्दीन सिद्दीकीने कलाकारांना यावरून सुनावलेसुद्धा आहे. देशात कोरोनाने परिस्थिती गंभीर बनली आहे. “इथे लोकांना दोन वेळचं जेवण नीट मिळत नाहीये आणि तुम्ही पैसे उधळताय. थोडीतरी लाच बाळगा”, अशा शब्दांत नवाजुद्दीनने सेलिब्रिटींना फटकारलं होतं. यानंतर अनेक कलाकरांनी मालदिवला जाणाऱ्या कलाकारांवर टिका केली होती.

हे वाचा-  स्मिता गोंदकरचा नवा म्युझिक व्हिडिओ ‘साजणी तू’ लवकरच प्रेक्षकांच्या भेटीला..