सुशांत राजपूत आणि संजनाचा ‘दिल बेचारा’…

बॉलीवूडमधील लिडींग स्टार सुशांत सिंग राजपूत आणि संजना संघी ही जोडी लवकरच मोठ्या पडद्यावर एकत्र झळकणार आहे. सुशांत आणि संजना ‘दिल बेचारा’ या आगामी चित्रपटात काम करणार असल्याची गेल्या अनेक दिवसांपासून चर्चा होती. त्यांच्या या चित्रपटासाठी चाहते भलतेच उत्सुक असल्याचं सोशल मीडियाच्या माध्यमातून समजतही होतं. मात्र, ‘दिल बेचारा’ चित्रपटाच्या रिलीजची तारीख समोर आली नव्हती. मात्र, अखेर या चित्रपटाची रिलीज डेट जाहीर करण्यात आली आहे. ज्येष्ठ चित्रपट समीक्षक तरूण आदर्श यांनी ट्वीटरवरुन दिलेल्या माहितीनुसार, २९ नोव्हेंबरला ‘दिल बेचारा’ प्रेक्षकांच्या भेटीला येणार आहे. या चित्रपटाच्या शूटिंगमध्ये व्यस्त असलेल्या सुशांत सिंग राजपूतने मध्यंतरीच चित्रपटाविषयी प्रतिक्रिया दिली होती. ‘आपण या चित्रपटासाठी खूपच उत्सुक असून, संजनासोबत काम करुन खूपच छान वाटलं’, असं मत सुशांतने व्यक्त केलं होतं.