Ganeshotsav 2019 Rangoli Designs: आपल्या लाडक्या बाप्पाच्या आगमनासाठी अवघे काही तास शिल्लक राहिलेत. यानिमित्ताने पुढील दहा दिवस, मुंबईसह देशभरात बाप्पाच्या आगमनाची धूम पाहायला मिळेल. सर्वांचे लाडके बाप्पा आता घरोघरी, गल्लोगल्ली दीड , पाच आणि सात दिवसांसाठी विराजमान होतील. बाप्पाच्या आगमनासाठी खास पदार्थ आणि रांगोळ्या काढल्या जातात. गणपती बाप्पाच्या धूमधाममध्ये आपण मनमोहक, आकर्षक रांगोळ्या काढून या सणाचा उत्साह वाढवू शकता. कारण रांगोळी (Rangoli) ही केवळ सुशोभीकरणाचेच नाही तर समृद्धीचे देखील प्रतीक मानले जाते. (Ganesh Chaturthi Rangoli Images) सजावटीबरोबरचं देवाजवळ काढलेली सुंदर मनमोहक रांगोळीतील नाजूक नक्षीने आणि रंगसंगतीने सारे वातावरण प्रसन्न करते. त्यामुळे यंदाही गणेश चतुर्थीच्या दिवशी गणरायाची प्रतिकृती व काही सोप्प्या वेल-फुलांच्या रांगोळ्या काढून अनोख्या अंदाजात बाप्पाचे आगमन खास करायचे असल्यास या सोप्प्या डिझाइन्स नक्की ट्राय करा.. (Ganesh Festival Rangoli)
गणपती विशेष सोप्पी व सुंदर रांगोळी:
फुलांच्या आरासात बसलेले गणपती बाप्पा
फुलांच्या आरासात बसलेल्या गणपती बाप्पाची सुंदर रांगोळी तुम्ही काढून शकता. या सोप्प्या रांगोळीसाठी पहिला एक गोलाकार चक्रात फुला-पानांची वेल काढा. त्यानंतर मधोमध श्री गणेशांची डिझाईन काढा. यात रांगोळीत तुम्ही आवडीनुसार रंग भरु शकतात.
जास्वंदीच्या फुलात विराजमान बाप्पा
गणपतीच्या पूजेच्या साहित्यात जास्वंदीच्य़ा फुलाला अधिक महत्त्व आहे. कारण गणपतीला जास्वंदीचे फूल अधिक आवडते. याच फुलाचा समावेश रांगोळीत करुन आपण गणरायाचे सहज चित्र रेखाटू शकता.
गणपती बाप्पाच्या पावलांची रंगोळी
विविध रंगाचे गोल काढून त्यात तुम्ही आवडीचे रंग भरत गणपती बाप्पाची पावलं काढू शकता.
गणपती बाप्पाला जास्वंद प्रिय
गणेशाला प्रिय असलेल्या जास्वंदीचं फुलांमध्ये विराजमान झालेल्या या बाप्पाभोवती विविध रंगांच्या फुलांची नक्षी रेखाटू शकतात. तसेच या रंगांमध्ये पांढरी रांगोळीही वापरलेली आहे.
गोलाकार नक्षीत बाप्पा स्थानापन्न
रंगीबेरंगी फुलांच्या गोलाकार नक्षीत स्थानापन्न झालेला गणपती बाप्पाचे चित्र आपण काढू शकता. ही रांगोळी पणती लावून अधिकच सुशोभित करू शकता.