महिला वर्गाचं स्वयंपाक घरातील kitchen भांड्यांवर विशेष प्रेम असतं. भांडी व्यवस्थित आणि चांगली रहावीत असं प्रत्येकीला वाटतं. जेवण बनविण्यासाठी सर्वात जास्त स्वयंपाकघरात वापर होत असेल तर तो म्हणजे प्रेशर कुकरचा. पण कित्येकदा कुकर वापरताना काही समस्यांचाही सामना करावा लागतो. कधी कुकरची शिटी वाजत नाही, कधी शिटी किंवा झाकणातून पाणी-अन्न बाहेर येते, तर कधी अन्न अतिप्रमाणात शिजते अथवा शिजतच नाही. या सर्व समस्यांपासून दूर करण्यासाठी आपण काही सोप्या टिप्स जाणून घेऊया.
कुकरमधून पाणी का बाहेर येते?
कुकरमध्ये क्षमतेपेक्षा अधिक पदार्थ ठेवल्यास पाणी बाहेर येते. लहान कुकरसाठी तुम्ही मोठा गॅस बर्नर वापरत असल्यास कुकरमधून पदार्थ बाहेर येतात. घटकांच्या वजनाच्या आधारावर आवश्यक असलेल्या इष्टतम पातळीपेक्षा द्रव जास्त भरल्यास , त्याचा परिणाम झाकणाच्या वरती ओव्हरफ्लो होतो. प्रेशर कुकर कधीही अर्धा किंवा तीन चतुर्थांशपेक्षा जास्त भरू नका.
हे सोपे उपाय करा ट्राय :
- कुकरची शिट्टी नीट व्हावी यासाठी कुकरचे झाकण व्यवस्थित साफ करणे आवश्यक आहे. त्यात अन्न अडकले तर शिट्टी नीट होत नाही.
- कुकरमध्ये कोणतेही अन्न ठेवण्यापूर्वी त्याचे रबर नक्की तपासा. कुकरच्या रबरला थोडं तेल लावून ती रिंग झाकणात बसवून झाकणं बंद करावं. यामुळे वाफ बाहेर जाणार नाही.
- कुकरचे झाकण बंद केल्यानंतर झाकणावर संपूर्ण बाजूला कणीक लावू शकता. असे केल्यास तुम्ही कुकरमधून पाणी, अन्न बाहेर येण्यापासून रोखू शकता.
- कुकर जुना झाल्यावर त्यातून पाणी बाहेर येऊ लागते. तेव्हा काही वर्ष एकच कुकर वापरून तो जुना झाल्यावर तो बदलणे नेहमी फायदेशीर ठरते.
- जर तुम्ही लहान प्रेशर कुकरमध्ये डाळ शिजवत असाल तर सुरुवातीपासूनच गॅसची फ्लेम मोठी ठेऊ नका. असे केल्याने अति उष्णतेमुळे शिटीतून पाणी येऊ लागते.
- जर तुमच्या कुकरमधून पाणी येत असेल आणि तुम्हाला ते पसरण्यापासून रोखायचे असेल, तर झाकणावर एक ते दोन इंच अंतर ठेवून एक ओला टिश्यू किंवा टॉवेल शिट्टीभोवती गुंडाळा. त्यामुळे पाणी सर्वत्र पसरणार नाही.
- कुकरच्या शिट्टीमध्ये धूळ जमून जाते किंवा अन्नाचे कण जमतात. यामुळे काही वेळेस शिट्टी होत नाही किंवा शिट्टीमधून पाणी बाहेर येते. याकरिता प्रेशर कुकरची शिट्टी नियमित स्वच्छ करावी.
हेही वाचा : फ्रिजमधल्या अन्नालाही असते एक्सपायरी डेट
_____________________________________________________________________
Edited By : Nikita Shinde