लवकरच श्रावण महिना सुरु होईल. श्रावण महिना म्हटला की, सण-समारंभाप्रमाणे गोड खाण्याचे दिवसही सुरू होतात. अशावेळी काय खावे असा अनेकांना प्रश्न पडतो. त्यामुळे आज आम्ही तुम्हाला श्रावण स्पेशल अशी गोड रेसिपी सांगणार आहोत.
साहित्य
- 2 वाट्या मूग डाळ
- 2 वाट्या साखर
- 3 वाट्या दूध
- 1 वाटी तूप
- 150 ग्रॅम खवा
- 7-8 वेलदोड्याची पूड
- 25 ग्रॅम बेदाणा
- थोडा पिवळा रंग
कृती
- सर्वप्रथम मूगाची डाळ 3 ते 4 तास भिजत घालावी. ती चांगली भिजल्यानंतर त्यातील पाणी काढून मिक्सरमध्ये रवाळ वाटावी.
- वाटलेल्या डाळीत 2 वाट्या दूध घालून कालवावे आणि तूप तापल्यावर त्यात हे डाळीचे मिश्रण घालून चांगले मोकळे होईपर्यंत परतावे.
- चांगले परतल्यावर त्यात थोडा रंग घालावा आणि नंतर साखर घालून चांगले परतत रहावे.
- मिश्रण जरा घट्ट झाले कि गॅस बंद करुन उतरावे. आता त्यात बेदाणा आणि वेलचीपूड घालावी आवडत असल्यास काजू पिस्त्याची काप घालू शकता.
- खव्यामध्ये 1 वाटी दूध घालून सारखा करावा आणि खवा गॅसवर ठेवून जरा आटवून घ्यावा आणि सर्व्ह करताना मूगाच्या डाळीच्या हलव्यात खवा घालून सर्व्ह करावा.
हेही वाचा :