‘शिव वडापाव, शिवभोजन नंतर शिव दवाखाने येणार; कंपाऊंडर औषध देणार’

शिवसेनेचे खासदार संजय राऊत यांनी डॉक्टरांविषयी केलेल्या वक्तव्यावरुन भाजपने शिवसेनेवर खोचक टीका केली आहे. शिव वडापाव, शिवथाळीच्या यशानंतर आता शिव दवाखाने येणार आहेत, अशी बोचरी टीका भाजपचे आमदार अतुल भातखळकर यांनी केली आहे. संजय राऊत यांनी डॉक्टरांपेक्षा कंपाऊंडरला अधिक कळत, असं वक्तव्य केले होते. यावरुन संजय राऊत यांच्यावर टीका केली जात आहे.

कांदिवली पूर्व विधानसभा मतदार संघाचे भाजप आमदार अतुल भातखळकर यांनी ट्विट करत शिवसेनेवर टीका केली आहे. “शिव वडापाव आणि थाळीच्या घवघवीत यशा नंतर आता येत आहेत शिव दवाखाने…इथे डॉक्टरांच्या ऐवजी कंपाऊंडर असतील,” अशी खोचक टीका अतुल भातखळकर यांनी केली.

हेही वाचा – संजय राऊत बोलले आणि वादळच आलं; जितेंद्र आव्हाड आले मदतीला धावून