सांगलीमध्ये धक्कादायक घटना घडली आहे. एका आठ महिन्याच्या गर्भवती महिलेवर आठ नराधमांनी सामुहिक बलात्कार केला आहे. सांगलीच्या तासगाव पोलीस ठाण्यात याप्रकरणी पीडित महिलेने तक्रार दाखल केली आहे. तासगाव तालुक्यातील तुरची फाटा येथे ही घटना घडली आहे.
हॉटेलच्या कामासाठी हवे होते जोडपे
पीडित महिला पतीसब हॉटेल व्यवसाय करते. त्यांच्या हॉटेलमध्ये काम करण्यासाठी एक विवाहीत जोडपे हवे होते. त्यांचा शोध घेत असताना तासगावच्या मुकुंद माने यांनी महिलेच्या पतीला फोन करुन तुरटी फाटा येथे जोडपे असल्याचे सांगितले. पण २० हजार रुपये अॅडव्हान्स घेऊया असे त्यांना माने यांनी सांगितले होते. त्यानुसार हे दोघे जण मंगळवारी पाचच्या सुमारास तुरची फाटा येथे पोहचले.
दोघांना मारहाण करत पैसे आणि दागिणे घेतले काढून
ठरलेल्या ठिकाणावर पोहचल्यानंतर मुकुंद माने याने त्याच्या सोबत आणलेल्या मित्रांना या पीडित महिलेला आणि तिच्या पतीला मारायला सांगितले. मारहाण सुरु असताना महिलेच्या गळ्यातील तीन तोळ्याचे सोन्याचे मंगळसूत्र, दीड तोळ्याची सोनसाखळी आणि २० हजार रुपयांची रोख रक्कम त्यांनी काढून घेतली.
जीवे मारण्याची दिली धमकी
त्यानंतर मुकुंद माने यांचे आणखी चार मित्र त्याठिकाणी आले. या सगळ्यांनी पीडित महिलेच्या पतीला कारमध्ये डांबून ठेवले. त्यानंतर त्याठिकाणी असलेल्या आएका खोलीमध्ये नेऊन आळीपाळीने महिलेवर बलात्कार केला. ‘मी आठ महिन्याची गर्भवती असल्याचे सांगत महिलेने त्यांच्याकडे विनंती केली’ तरी देखील नराधमांनी तिच्यावर बलात्कार केला. बलात्कारानंतर तिला आणि तिच्या पतीला जीवे मारण्याची धमकी देत पळ काढण्यास सांगितले.
आरोपींविरोधात गुन्हा दाखल
याप्रकरणी पीडित महिलेने तासगाव पोलीस ठाण्यात आठ आरोपींविरोधात तक्रार दाखल केली. याप्रकरणी मुकुंद माने, जावेद खान, विनोद, सागर, आणखी चार जणांविरोधा पोलिसांनी गुन्हा दाखल केला असून तासगाव पोलिसांकडून अधिक तपास सुरु आहे. या घटनेनंतर सांगली जिल्ह्यामध्ये एकच खळबळ उडाली आहे.