नवनीत राणांना शिवसेनेच्या कथित लेटरहेडवरुन अ‌ॅसिड हल्ल्याची धमकी

अमरावतीच्या खासदार नवनीत राणा यांना अ‌ॅसिड हल्ल्याची धमक देण्यात आली आहे. चेहऱ्यावर अ‌ॅसिड टाकून जीवेमारण्याची धमकी नीनावी पत्राद्वारे देण्यात आली आहे. शिवसेनेच्या कथित लेटरहेडवरुन ही धमकी देण्यात आल्याचं नवनीत राणा यांनी पोलीस स्टेशनमध्ये दाखल केलेल्या तक्रारीमध्ये म्हटलं आहे. या धमकीच्या पत्रात शिवसेनेच्या कोणत्याही नेत्याचे नाव नाही. मात्र, या प्रकाराची दखल घत नवनीत राणा यांनी शिवसेनेनं धमकी दिल्याचा आरोप करत दिल्लीतील नॉर्थ अव्हेन्यू पोलीस ठाण्यात तक्रार दिली आहे. दरम्यान, या पत्रात ८ दिवसांत मुख्यमंत्री उद्धव ठाकरे आणि शिवसेनेची जाहीर माफी मागा, असा इशारा दिला आहे.