हनुमान जन्मोत्सव मिरवणुकीनिमित्त नाशिक शहरातील वाहतूक मार्गात बदल करण्यात आला आहे. मंगळवारी (दि.२३) दुपारी ३ वाजेपासून मिरवणूक संपेपर्यंत भद्रकाली व पंचवटीतील वाहतूक मार्गात बदल राहणार आहे. वझरे मारूती मंदिर (चौक मंडई),दूधबाजार, गाडगे महाराज पुतळा, मेनरोड, रेड क्रॉस सिग्नल, एम. जी. रोड, अशोकस्तंभ, रविवार कारंजा, मालेगाव स्टॅण्ड, रामकुंड असा मिरवणूक आहे. वाहनचालकांनी पर्यायी मार्गाचा वापर करावा, असे आवाहन पोलीस उपायुक्त चंद्रकांत खांडवी यांनी केले आहे.
असा आहे पर्यायी मार्ग
- वाहने बागवानपुरा पोलीस चौकी ते अमरधाम रोड ते पंचवटीमार्गे मार्गस्थ होतील.
- सारडा सर्कल ते खडकाळी सिग्नल, मोडक सिग्नल, शालिमार, सीबीएस, कॅनडा कॉर्नर, जुना गंगापूरनाका मार्ग, चोपडा लॉन्समार्गे वाहने पंचवटीकडे जातील.
- पंचवटी कारंजाकडून येणारी वाहने मखमालाबाद नाका, चोपडा लॉन्स, जुना गंगापूरनाका मार्गे इतरत्र जातील.
- सीबीएसकडून पंचवटी जाणारी वाहने मेहर सिग्नल, अशोकस्तंभ, गुरांचा दवाखाना, घारपुरेघाट, रामवाडी पूलमार्गे मखमलाबाद नाकामार्गे जातील.