रोमेश लुथरा यांच्या घरात आई–वडील, पत्नी व दोन मुलांसोबत राहतात. राधाबाई व पूनम घरमोलकरीन असून, मुलांना सांभाळण्यासाठी निशा नावाची महिला आहे. रोमेश यांची आई उर्मिल लुथरा यांचा पाय दुखत असल्याने उपचारासाठी सोमवारी (दि.२७) सायंकाळी ७ दरम्यान रोमेश हे पत्नीसह कॉलेज रोडवरील खासगी रुग्णालयात गेले. त्यावेळी घरी घरकाम करणारी महिला राधाबाई होती. ७.३० वाजता तिने काम संपल्याने स्वत:च्या घरी जाण्यासाठी मुख्य दरवाजा लॉक करून चावी लेटरबॉक्समध्ये ठेवल्याचे उर्मिल लुथरा यांच्याशी मोबाईलवर संपर्क सांगितले. त्यानुसार ती निघून गेली. सायंकाळी ८.४५ वाजता रोमेश यांची पत्नी घरी आली. त्यानंतर रोमेश रात्री ९.४५ वाजता आईसमवेत घरी आले. त्या बेडरुममध्ये आल्या असता, त्यांनी चावीने लोखंडी कपाट उघडले. त्यांना कपाटात ठेवलेली तिजोरी दिसली नाही. रोमेश यांनी राधाबाईशी संपर्क साधला असता तिने मुख्य दरवाजा बंद केल्याचे सांगितले.
चोरीस गेलेला ऐवज
ऐवज रक्कम
लोखंडी तिजोरी 15,000
रोख रक्कम 1,00,000
महागडी तीन घड्याळे 2,30,000
मंगळसूत्र 90,000
डायमंड मंगळसूत्र 50,000
सोन्याच्या दागिन्यांचा सेट 8,40,000
सोन्याचा झुमके, कंगण सेट 5,40,000
डायमंड सेट 5,50,000
सोन्याची माळ 3,00,000
डायमंडच्या चार बांगड्या 8,00,000
एकूण ३५, १५, ०००
घटनास्थळी पोलिसांनी पाहणी केली असून, तपास सुरू केला आहे. चोरटे लॉकरसह फरार झाले आहेत. पोलिसांनी हाताचे ठसे घेतले आहेत. चोरट्यांना मुद्देमालासह लवकरच अटक केली जाईल.
विजय पन्हाळे, पोलीस निरीक्षक, सरकारवाडा पोलीस ठाणे
पाय दुखत असल्याने दिवसभर घरीच असते. उपचारासाठी घराबाहेर जाणे महागात पडले. फिजिओथेरपीसाठी सोमवारी सायंकाळी मुलासह रुग्णालयात गेले होते. घरी आल्यावर कपाट उघडले असता तिजोरी गायब असल्याचे दिसून आले. ही बाब मुलास सांगितले असता त्यानेही पाहणी केली असता त्यालाही तिजोरी दिसली नाही. याप्रकरणी तत्काळ पोलिसांशी संपर्क साधला.
उर्मिल लुथरा, घरमालकीन