विधानसभा निवडणुकीपूर्वी आता गावकीचे राजकारण पेटणार आहे. राज्य निवडणूक आयोगाने राज्यातील ग्रामपंचायतीच्या निवडणुकांचा कार्यक्रम जाहीर केला आहे. नाशिक जिल्ह्यातील २५ ग्रामपंचायतींसाठी ३१ ऑगस्ट रोजी मतदान होणार असून ३ सप्टेंबर रोजी मतमोजणी होणार आहे.
९ ते १६ ऑगस्ट या कालावधीत उमेदवारांना अर्ज दाखल करता येईल. १९ ऑगस्टला अर्ज छाननी केली जाईल. २१ ऑगस्टपर्यंत उमेदवारांना अर्ज मागे घेण्याची मुदत देण्यात आली आहे. दुपारी ३ नंतर निवडणूक लढवणार्‍या उमेदवारांची अंतिम यादी प्रसिद्ध करून चिन्ह वाटप केले जाईल. ३१ ऑगस्ट रोजी सकाळी ७ ते सायंकाळी ५ वाजता मतदान पार पडेल. ३ सप्टेंबरला २५ ग्रामपंचायतींची मतमोजणी केली जाणार आहे.
या आहेत ग्रामपंचायती
तालुका ग्रामपंचायत
- नाशिक : शिवणगाव, गौळाणे, संसरी
- येवला : निळखेडे, दुगलगाव, पांजरवाडी, जउळके
- मालेगाव : पळासदरे, सातमाने, लुल्ले, पोहाणे, दुधे
- निफाड : धारणगाव खडक
- बागलाण : वायगाव, कपालेश्वर, तुंगणदिगर, पिंपळवाडे, भिलवाड व खामलोण