केंद्रीय निवडणुक आयोगाने शिवसेना नाव आणि धनुष्यबाण हे पक्ष चिन्ह आज एकनाथ शिंदे यांच्या बाळासाहेबांच्या शिवसेना पक्षाला देण्याचा निर्णय जाहीर केला. या निर्णयानंतर राजकीय वर्तुळातून अनके प्रतिक्रिया येत आहेत. यावर राष्ट्रवादी काँग्रेसचे अध्यक्ष शरद पवार यांनी देखील प्रतिक्रियी दिली आहे. एकदा निकाल आल्यानंतर त्यावर चर्चा करता येत नाही, तो निकाल मान्य करत नवीन चिन्ह घ्यायचं. त्याचा फार काही परिणाम होत नाही, लोक ते चिन्ह स्वीकारतात, असा सल्ला शरद पवार यांनी उद्धव ठाकरेंनी दिला आहे.
शरद पवार म्हणाले की, एकदा निकाल आल्यानंतर त्यावर चर्चा करता येत नाही, तो निकाल मान्य करत नवीन चिन्ह घ्यायचं. त्याचा फार काही परिणाम होत नाही. काँग्रसमध्ये एकदा इंदिरा गांधी हा वाद झाला, त्यावेळी काँग्रेसचं चिन्ह गेलं, काँग्रेसने हात हे चिन्ह घेतलं आणि लोकांनी ते मान्य केलं, आता उद्धव ठाकरेंनी नवीन चिन्ह घेतलं तर ते लोक मान्य करतील, फार परिणाम होत नाही. महिना पंधरा दिवस चर्चा होईल.