नितीन गडकरींच्या उपस्थितीत मुळा-मुठा नदीच्या पुनरूज्जीवनासंदर्भात आढावा बैठक 

केंद्रीय मंत्री नितीन गडकरी यांनी पुण्यातील मुळा-मुठा नदीच्या पुनरूज्जीवनासंदर्भात दिल्लीत बुधवारी आढावा बैठक घेतली. यावेळी केंद्रीय जलशक्ती मंत्री गजेंद्र सिंह शेखावत, महाराष्ट्राचे जलसंपदा मंत्री जयंत पाटील, विरोधी पक्ष नेते देवेंद्र फडणवीस, पुण्याचे खासदार गिरीश बापट, महापौर मुरलीधर मोहोळ आणि अधिकारी उपस्थित होते. या बैठकीत नागपूरमधील नाग नदीचे पुनरूज्जीवन, तसेच गोसीखुर्द या राष्ट्रीय प्रकल्प यांच्याबाबतही चर्चा करण्यात आली.

या बैठकीनंतर विरोधी पक्ष नेते देवेंद्र फडणवीस म्हणाले, केंद्रीय मंत्री नितीन गडकरी आणि गजेंद्रसिंग शेखावत यांच्या उपस्थितीत महाराष्ट्रातील सिंचन प्रकल्पांबाबत एक बैठक आज नवी दिल्ली येथे आयोजित करण्यात आली. या बैठकीला जलसंपदा मंत्री जयंत पाटील आणि इतरही नेते उपस्थित होते.

हेही वाचा – लग्नसमारंभाचे हॉल, सिनेमागृहे, स्विमिंग पूल क्षमतेत ५० टक्क्यांपर्यंत वाढ