त्र्यंबकरोडला ३०० लॉजिंगचा विळखा; शाळकरी मुले-मुलीही करतात वापर

तक्रारदारांना दमदाटी

• त्र्यंबक रस्त्यावरील लॉजिंगमधील गैरप्रकार थांबावेत, यासाठी त्र्यंबक परिसरातील नागरिकांनी अनेकदा तक्रारी व आंदोलने केली. मात्र, या नागरिकांना काही लॉजधारकांकडून दमदाटी करण्यात आली. तसेच, जीवे मारण्याच्या धमक्यादेखील दिल्या जात आहेत. त्यामुळे लॉजचालकांविरोधात आवाज उठवण्यास कोणीही धजावत नाही.

धार्मिक नगरी नाशिक ते पवित्र ज्योतिर्लिंग त्र्यंबकेश्वर या मार्गावर काही महाविद्यालये आहेत. या मार्गावर परराज्य, गाव, शहरांतून नाशिक तसेच त्र्यंबकेश्वरला येणार्‍या भाविकांची संख्या मोठी असते. शिक्षणासाठी येणार्‍या मुला-मुलींचीदेखील संख्या अधिक आहे. गेल्या काही वर्षांत या मार्गावर अनेक लॉज तयार झाले. यांचा वापर भाविक-भक्तांपेक्षा अधिक अनैतिक कृत्यांसाठी होताना दिसत आहे. त्यामुळे या शहरांची धार्मिक ओळख या अनैतिक धंद्यांमुळे धोक्यात आली आहे. प्रशासनाने यावर त्वरीत कारवाई करावी आणि या मार्गाचे पावित्र्य जपावे.

– श्रीकांत क्षत्रिय,संयोजक, बजरंग दल

त्र्यंबकेश्वरी महत्त्वाचे ज्योतिर्लिंग असून, संतश्रेष्ठ श्री निवृत्तीनाथ महाराजांचे समाधी मंदिरदेखील त्र्यंबकेश्वरमध्येच आहे. त्यामुळे देश-विदेशातील भाविकांबरोबरच वारकरीदेखील मोठ्या प्रमाणावर त्र्यंबकला येत असतात. त्र्यंबक रस्त्यालगत असलेल्या काही लॉजिंगमध्ये गैरप्रकार सुरू आहेत. हे प्रकार तातडीने थांबवावेत.

– अ‍ॅड. सोमनाथ घोटेकर, विश्वस्त, श्री संतश्रेष्ठ निवृत्तीनाथ महाराज मंदिर

त्र्यंबकरोडवरील लॉजमध्ये शाळकरी मुलींचे येण्याचे प्रमाण सर्वाधिक आहे. ती गंभीर बाब आहे. स्थानिक महिला आणि मुलींना शिट्या वाजवून बोलावले जाते. लॉजमधील गैरप्रकार वाढले आहेत. त्यामुळे त्रंबकेश्वरचे महत्व कमी झाले आहे. त्र्यंबक परिसरातील महिला आणि पुरुषांकडे संशयाने पाहिले जाते. महिरावणीमध्ये सर्वाधिक लॉज आहेत. याबाबत पोलीस तक्रार घेत नाहीत. काही लाजवर तर दारूदेखील उपलब्ध करून दिली जाते.