राज्यात २० जूनला विधानपरिषदच्या १० जागांसाठी निवडणूक होत आहे. या निवडणूकीसाठी काँग्रेसने आपल्या दोन उमेदवारांच्या नावाची घोषणा केली आहे. मुंबई महापालिकेच्या पार्श्वभुमिवर काँग्रेसने भाई जगताप आणि चंद्रकांत हांडोरे यांना संधी दिली आहे. याबाबतचे अधिकृत पत्र काँग्रेसने काढले आहे.
The Congress President, Smt. Sonia Gandhi,has approved the proposal for the candidature of the following persons as Congress candidates to contest the biennial elections to the Legislative Council of Maharashtra to be elected by the MLAs. pic.twitter.com/vMT0qSovB0
— INC Sandesh (@INCSandesh) June 8, 2022
२७ मतांची आवश्यकता –
विधानपरिषदच्या १० जागांसाठी सदस्य हे १० जागांसाठी मतदान करणार आहे. महाविकास आघाडीमध्ये शिवसेनेचे ५६, राष्ट्र्वादी काँग्रेसचे ५४ आणि काँग्रेसचे ४४ आमदार आहेत, तर भाजपाचे १०५ असे प्रमुख राजकीय पक्षांचे बलाबल आहे. इतर पक्षांचे १६ आणि अपक्ष १३ आमदार आहेत. विधानसभेच्या एकुण आमदारांची संख्या आणि निवडणूकीच्या १० जागा लक्षात घेता विजय मिळवण्यासाठी २७ मतांची आवश्यकता आहे.
महाविकास आघाडीचे 6 उमेदवार –
महाविकास आघाडीचे संख्याबळ लक्षात घेतले तर पाच उमेदवारांचा विजय निश्चित आहे, पाच उमेदवार सहज निवडून येणार आहेत. यामध्ये शिवसेना आणि राष्ट्रवादीचे प्रत्येकी दोन आणि काँग्रेसचे एक उमेदावार आहेत. काँग्रेसने दोन उमेदवार दिल्याने महाविकास आघाडी सहा उमेदवार देणार हे स्पष्ट झाले आहे. छोटे पक्ष आणि अपक्ष आमदार यांची जमवाजमव केल्यास, महाविकास आघाडी सहावा उमेदवार निवडून येण्याची शक्यता आहे.
भाजपकडून 5 नावं निश्चित –
विधान परिषदेच्या निवडणुकीसाठी भाजपकडून 5 नावं निश्चित करण्यात आली आहेत. प्रवीण दरेकर, प्रसाद लाड, राम शिंदे, श्रीकांत भारतीय, उमा खापरे यांना उमेदवारी देण्यात आली असून, भाजप नेत्या पंकजा मुंडेंना डावलण्यात आले आहेत. प्रवीण दरेकर आणि प्रसाद लाड यांना भाजपने पुन्हा एकदा विधान परिषदेची उमेदवारी दिली आहे. मुंबई महापालिका निवडणूक डोळ्यांसमोर ठेवून त्यांना पुन्हा संधी देण्यात आल्याची राजकीय वर्तुळात चर्चा आहे.
भारतीय जनता पार्टी की केन्द्रीय चुनाव समिति ने उत्तर प्रदेश, महाराष्ट्र एवं बिहार राज्यों में होने वाले आगामी विधान परिषद द्विवार्षिक चुनाव- 2022 हेतु निम्नलिखित नामों पर अपनी स्वीकृति प्रदान की। pic.twitter.com/cOzfHhaDQY
— BJP (@BJP4India) June 8, 2022