मध्य रेल्वेतर्फे ठाणे आणि दिवा स्थानका दरम्यान पाच आणि सहाव्या मार्गिकांसाठी आजपासून विशेष मेगाब्लॉक घेण्यात आला आहे. हा मेगाब्लॉक सायंकाळपासून सुरु होणार असून २७ सप्टेंबर ते ७ ऑक्टोबरपर्यंत घेतला जाणार आहे. त्यामुळे या दरम्यान मध्य रेल्वेवरील काही फेऱ्या देखील रद्द केल्या जाणार आहे. कल्याण-डोंबिवली येथे जुन्या वीज वाहिन्यांचे जाळे काढण्यासाठी रात्री काम केले जाणार असल्याने रात्री २ ते ३ दरम्यान मध्य रेल्वेवर मेगाब्लॉक घेतला जाणार आहे.
हे आहे लोकलचे बदलेले वेळापत्रक
सकाळी ५.५७ ची डोंबिवली – सीएसएमटी लोकल २८ ते ६ ऑक्टोबर
सायंकाळी ५.१५ ची ठाणे ते दादर लोकल २७ सप्टेंबर ते ऑक्टोबर
सायंकाळी ५.५८ ची ठाणे ते डोंबिवली लोकल २७ सप्टेंबर ते ६ ऑक्टोबर
रात्री ११.१२ ची सीएसएमटी ते ठाणे लोकल २८ सप्टेंबर ते ५ ऑक्टोबर
मेगाब्लॉक दरम्यान रद्द होणाऱ्या गाड्या
सकाळी ७.२९ ची डोंबिवली लोकल २८ सप्टेंबर ते ७ ऑक्टोबरपर्यंत ठाण्याहून सकाळी ७.५२ वाजता सुटणार आहे.
सायंकाळी ५.५३ ची सीएसएमटी लोकल २७ सप्टेंबर ते ६ ऑक्टोबरपर्यंत ठाण्यापर्यंत धावेल.
तर सायंकाळी ६.२२ ची सीएसएमटी लोकल २७ सप्टेंबर ते ६ ऑक्टोबरपर्यंत ठाण्यापर्यंत धावेल.